Ibikilai Bikonkwanyi bya Kukengilako mu Kimye kya Kivuluko

Pa mwaka pa mwaka, bantu ba Yehoba batengela bingi kwikala na Kivuluko. Mu milungu ya kunangijila ku Kivuluko ne panyuma ya Kivuluko, ke kimye kyawma bingi kya kutota ne kusanchila Yehoba pa bupe bwa bukuzhi. (Ef 1:3, 7) Nabiji kwingila papelela bulume bwetu kwita bantu kwiya na kutanwa ku Kivuluko. Bamo bepaana kwingilako bupainiya bwa kukwasha bwa maola 30 nangwa 50 mu ñondo wa March nangwa April. Nanchi mukengilako pakatampe mu mwingilo mu kimye kya Kivuluko nyi? Mwakonsha kwinengezha byepi pa kuba’mba mukobe bino?

Twakonsha kwingila bingi bulongo inge twinengezhezha jimo saka kukiji kimye. (Man 21:5) Mwafwainwa kutendeka kwinengezha lonka luno mambo Kivuluko kyafwenya kala pepi. Langulukai pa byo mukeba kukengilako pakatampe mu mwingilo mu kimye kya Kivuluko, ne kulanguluka pa byo mwafwainwa kuba pa kuba’mba mukafikizhe bikonkwanyi byenu. Kabiji mwafwainwa kulomba Yehoba kuba’mba akapeshe byo mukeba kuba.—1Yo 5:14, 15.

Nanchi mwakonsha kulangulukapo mashinda amo mo mwakonsha kwingijilako pakatampe mu mwingilo mu kimye kya Kivuluko nyi?