BYAFWAINWA KWIKALA BENA KILISHITU

Nanchi Mwinengezha bya Kwikala Inge Mwakumwena Mwakatazha Nyi?

Kechi tukumya pa kumona mwakumwena byo mubena kukatazha mwaya ntanda ne. Mambo ka o tubujila kukumya? Mambo tubena kwikala ku mpelo ya moba akupelako. Kabiji Baibolo witujimunako kuba’mba kechi twafwainwa kuketekela mu “bunonshi” ne. (1Ti 6:17; 2Ti 3:1) Byaubile Mfumu Yehoshafwata byakonsha kwitukwasha byepi kwinengezhezha jimo bya kwikala inge mwakumwena mwakatazha?

Bisaka bibazhokolokele byo byakebelenga kwibalukuka, Yehoshafwata waketekejile mwi Yehoba. (2Mo 20:9-12) Bino kuji ne bintu bikwabo byo aubile nabiji kukosesha masakwa a mizhi ne kubikamo makampu a bashilikale. (2Mo 17:1, 2, 12, 13) Byonka byaubile Yehoshafwata, ne atweba twafwainwa kuketekela mwi Yehoba na muchima yense ne kwinengezhezha jimo bya kwikala inge mwakumwena mwakatazha.

TWAKONSHA KWINENGEZHEZHA BYEPI JIMO BYA KWIKALA INGE MWAKUMWENA MWAKATAZHA?

Koseshai bulunda bwenu ne Lesa: Fundai kwikala na muchima wakusekela na byonka byo muji nabyo, ne kuketekela mwi Yehoba kwimumwena bya mu bwikalo bya pa juba pa juba. (Mat 6:26; 1Ti 6:8) Kange mulalenga mafunde a mu Baibolo na mambo a kukeba bya mu bwikalo ne. (Lo 2:21) Langulukai pa byo mwakonsha kutwajijila kutanga Baibolo ne mabuku alumbulula Baibolo inge malaichi ne intaneti bya byabulako. Lamaipo mabuku amo alumbulula Baibolo apulintwa, kabiji kopolwelai jimo mabuku amo pa kiñambañamba kyenu.

Nengezhezhai jimo bya mu bwikalo: Kepeshaiko nkongole kabiji lekai konauna mali ku bintu byabula kunema, mwakumwena saka mukyangye kukatazha. (Man 22:7) Inge mwakonsha, lamaipo kajo kamo ne bya kwingijisha bikwabotu. Bamo bafuukulapo kujima bishu pa kuba’mba bakepesheko mali ataiwa pa kajo.

TAMBAI VIDYO WA KUBA’MBA NANCHI MWINENGEZHA KU BYA MALWA NYI? APANO BINO MUKUMBULE ANO MEPUZHO:

Kipikichala kyafuma mu vidyo wa kuba’mba “Nanchi Mwinengezha ku bya Malwa Nyi?” Kipikichala kyamwesha Baibolo, ka kyola mwakulonga bikebewa, foni ne bantu babena kwingila mwingilo wa buntungi.

Twafwainwa kuba byepi pa muntu pa muntu pa kuba’mba twinengezhe ku bya malwa?

Mukumbu wesu

Kipikichala kyafuma mu vidyo wa kuba’mba “Nanchi Mwinengezha ku bya Malwa Nyi?” Balongo babena kukwasha balongo baponenwa na bya malwa kupichila mu kwingilako mwingilo wa buntungi ne kulongolola bipe mu motoka.

Twakonsha kwinengezha byepi kukwasha bakwetu?

Mukumbu wesu