Inengezhezhainga Jimo mu ano “Moba a Kupelako”

Byo tubena kwikala mu ano “moba a kupelako,” twafwainwa kuyuka kuba’mba bya malwa bikayangatu na kuvujilako. (2Ti 3:1; kulumbulula byambo biji pa Mat 24:8, nwtsty) Inge kwamweka bya malwa, javula bantu ba Yehoba batambwila mikambizho pa kuba’mba bebazhikijile. Pa kuba’mba tupuluke, twafwainwa kukookela byo betubuula, ko kuba’mba kwinengezhezha jimo lonka luno, ku mupashi ne ku mubiji.—Luk 16:10.

• Inengezhezhai jimo ku mupashi: Ikalai na mutanchi wawama. Fundai mashinda apusana pusana a kusapwilamo. Kechi mwafwainwa kwakamwa na mambo a kwimwabanya pa kakimye kacheche na bena Kilishitu bakwenu mu kipwilo ne. (Is 30:15) Vulukainga kuba’mba muji ne Yehoba ne Yesu konse ko muji.—od 162 mafu. 15-17

• Inengezhezhai jimo ku mubiji: Kununga pa kyola kya kusenda, mwafwainwa kulamapo ne kajo, mema, muchi ne bintutu bikwabo bya kwingijisha inge kikakebewanga kubanda ku mpunzha ko mubena kwikala.—Man 22:3; g17.5 4, 6

TAMBAI VIDYO WA KUBA’MBA NANCHI MWINENGEZHA KU BYA MALWA BIPONAKOTU BINE NYI? APA BINO MUKUMBULE ANO MEPUZHO:

• 

  Twakonsha kwinengezhezha byepi jimo ku mupashi inge kwamweka bya malwa?

• 

  Mambo ka . . .

  • o kyanemena kwisambanga na bakulumpe mu kipwilo?

  • kulongela jimo bya kwingijisha?

  • kwisamba pa bya malwa byakonsha kumweka ne byo mwafwainwa kuba pa kuba’mba mwizhikijile?

• 

  Mu ñanyi mashinda asatu mo twakonsha kukwashisha bakwetu baponenwa na bya malwa?

IIPUZHAI’MBA, ‘Ñanyi bintu byo nafunjilako ku mwalo wa COVID-19 pa kwinengezhezha jimo?’