Byo Mwakonsha Kulengela Kisemi Kyenu Kwikala na Lusekelo

Yehoba ukeba kisemi kyenu kwikalanga na lusekelo. (Sl 127:3-5; Mus 9:9; 11:9) Bino makatazho a mu ino ntanda ne bilubo bya ba mu kisemi byakonsha kwitupwishisha lusekelo. Bonse ba mu kisemi bakonsha kuba byepi pa kuba’mba kisemi kikalenga na lusekelo?

Mwanamulume wafwainwa kunemeka mukazhanji. (1Pe 3:7) Mwanamulume wafwainwa kumonangapo ne kimye kya kwikala nanji pamo. Kabiji kechi wafwainwa kwikala na lukondo ne. Mwanamulume wafwainwa kumweshanga’mba usanta pa bintu mukazhaniji byo amubila aye ne byo obila kisemi kyonse. (Kol 3:15) Mwanamulume wafwainwa kumweshanga’mba watemwa mukazhanji ne kumutakaika.​—Man 31:28, 31.

Mwanamukzhi wafwainwa kumonangapo mashinda mwakutundaikila bamwatawanji. (Man 31:12) Wafwainwa kunekenenanga mwatawanji ne kwingijila pano nanji. (Kol 3:18) Mwanamukazhi wafwainwa kwamba na mushingi ku bamwatawanji ne kwambanga byawama pe aye.​—Man 31:26.

Bansemi bafwainwa kwikalanga kimye kyabaya na baana babo. (Mpi 6:6, 7) Bafwainwa kubulanga baana babo amba bebatemwa. (Mat 3:17) Kabiji inge baana babo balubakanya, bansemi bafwainwa kwingijisha maana ne butemwe pa kwibafundako.​—Ef 6:4.

Baana bafwainwa kunemekanga ne kukookela bansemi babo. (Man 23:22) Kabiji bafwainwa kubulanga basemi babo bintu byo babena kulanguluka ne byo bomwva ku muchima. Bafwainwa kumwvinanga lujimuno lwa basemi babo ne kwibapa mushingi.​—Man 19:20.

TAMBAI VIDYO WA KUBA’MBA IKALAINGA NA LUSEKELO MU KISEMI KYENU, APA BINO MUKUKMBULE BWIPUZHO ALONDELAPO:

Ñanyi bintu byaubilenga bonse pa kuba’mba mu kisemi mwikale lusekelo?