Bakafunga Bengila Bulongo Kuba’mba Bantu ba Yehoba Bamwenemo

Bantu bavula kechi banemeka baji na luusa lwa kwibatangila ne. Twayuka kilengela kuba bino. Kufumatu ne kala bavula bengijisha luusa lo bebapa kuba’mba bamwenemo abo bene. (Mik 7:3) Tusanta bingi kuba’mba bakulumpe mu kipwilo bebafunjisha kuba bintu bilengela bantu ba Yehoba kumwenamo.—Mus 10:3; Mat. 20:25, 26.

Kupusanako na bantu baji na luusa mu ino ntanda, bakulumpe mu kipwilo bengila mwingilo wa bukalama mambo batemwa Yehoba ne bantu banji. (Yoa 21:16; 1Pe 5:1-3) Na lutangijilo lwa kwa Yesu, bano bakafunga bakwasha musapwishi yensekuyuka’mba bwanema mu jibumba ja Lesa. Kabiji bebakwasha ne kwikala na bulunda bwawama ne Yehoba. Bapelawizha kupaana lutundaiko ku mikooko ya Yehoba. Kabiji inge kwaikala bya malwa biponakotu bine nangwa misongo, bapelawizha kupaana bukwasho. Onkao mambo, inge mubena kukeba bukwasho, nga mambo ka akubujila kwisamba na mukulumpe mu kipwilo kyenu?—Ya 5:14.

TAMBAI VIDYO WA KUBA’MBA BAKAFUNGA BALAMA BULONGO JITANGA, APA BINO MUKUMBULE ANO MEPUZHO:

• Ba Mariana bamwenejilemo byepi mu bukwasho kufuma ku bakulumpe mu kipwilo?

  Nembaipo mukumbu wenu

• Ba Elias bamwenejilemo byepi mu bukwasho kufuma ku bakulumpe mu kipwilo?

  Nembaipo mukumbu wenu

• Bino byamwekele biji mu uno vidyo bimukwasha byepi kuyuka mwingilo wanema uji na bakulumpe mu kipwilo?

  Nembaipo mukumbu wenu