Bya Kuba pa Kufunda

Bya Kuba pa Kuba’mba Tumvwishenga Ndumbulwilo ya Katataka

Tubena kwikala mu bimye byawama bingi mambo Yehoba ubena kwitusolwela bintu byavula bingi bya mu Mambo anji. (Da. 12:4) Nangwa byonkabyo, kyakonsha kwitukatazha bingi kumvwisha inge bapimpulako ndumbulwilo ya bukine bwa mu Baibolo. Kwepi ko twakonsha kutaana ino ndumbulwilo ne bintu byo bapimpulako?

• Mu buku wa Kukwasha Bakamonyi ba kwa Yehoba Kukebakeba Bishinka muji ndonda ya mitwe. Pa kuba’mba mwiitaane, chintai po banemba’mba “Bakamonyi ba kwa Yehoba,” kepo muchinte po banemba’mba, “Byamba Bantu ne byo Baitabilamo” kabiji chintai pa amba’mba, “Lupimpu lwa Bintu byo Twaitabilamo.”

Pa kufunda Baibolo pa bunke mwakonsha kusala mutwe waamba pa lupimpu lwa katataka ne kukebakeba bishinka byaamba pa lolo lupimpu kwesakana na byaambapo Binembelo ne ene mambo o bapimpwila.