Bya Kuba Pa Kufunda

Nanchi mubena kumwenamo mu byepelo bya mu Baibolo byo balumbulula mu Buku wa Kukwasha Bakamonyi ba kwa Yehoba Kukebakeba Bishinka nyi?

Binembelo byo balumbulula byakonsha kwimukwasha kuyuka bulongo Mambo a Lesa. Uno buku walumbulula bulongo byamwekelenga kimye kyo banembelenga jishimikila jimo ja mu Baibolo, ene mambo o bejinembejile ne bo banembejile nangwa byepelo bimo bya mu Baibolo byo bilumbulula.

Mu Butala Bwetu bwa Mabuku bwa pa Internet^™ ne pa JW Library^® mwakonsha kutaanapo Buku wa Kukebakeba Bishinka wakonsha kwimukwasha kutaana byo balumbulula byepelo bimo bya mu Baibolo. Mwakonsha kutaana byo balumbulula bino byepelo na ku kilujo.

Inge mubena kukebakeba bishinka, tai muchima ku myaka yanembejilwemo mabuku. Bishinka byafuma mu mabuku a katataka byo bitatwilapo. Apa bino palondela mabuku a kala. Mu mabuku a kala mwakonsha kutaanwa byambo bimo byapimpulwa luno.

• Byepelo bimo byo balumbulula mu Buku wa Kukebakeba Bishinka mwakonsha kwibitaana ne mu Butala Bwetu bwa Mabuku bwa pa Internet.

• Pa kuba’mba mutaane byepelo byo balumbulula mu JW Library^®, mwafwainwa kwikala Buku wa Kukebakeba Bishinka kabiji mwafwainwa kumukopololanga inge babikamo bya katataka. Mwakonsha kuba bino inge mwachinta pa kayukilo kaji peulu na ku kilujo kabena kumwesha’mba mu kitango kyo mubena kutanga mu Baibolo muji bya katataka byo balumbulula byepelo.