Bantu Bakeba Kutookesha Yehoba ku Muchima Bafuukula Bintu Bulongo

Tangai Ntendekelo 25:29-34 pa kuba’mba muyuke inge Isao ne Yakoba bafuukwile bintu bulongo.

Yukilaipo bishinka bikwabo byo babena kwambapo mu jishimikila. Ñanyi bintu byaubiwe abyo bintu saka bikyangye kumweka? (Nte. 27:1-46) Ñanyi bintu byaubiwe abyo bintu saka byamweka kala?​—Nte. 27:1-46.

Kebakebai bishinka. Mu oa moba, mwanamulume mubeji waikalanga na ñanyi luusa kabiji ñanyi mingilo?​—Nte. 18:18, 19; w10 5/1 13.

• Nanchi mwanamulume wafwainwe kwikala mubeji pa kuba’mba ekale mushakulu wa kwa Mesiasa nyi? (w17.12 14-15)

Langulukai pa bintu byo mwafunda ne kwibingijisha. Mambo ka luusa ne mapesho ekala na mubeji o byanemejile kwi Yakoba kukila Isao? (Hebe. 12:16, 17; w03 10/15 28-29) Yehoba waumvwine byepi ku muchima pa bano bankasa ne kolo babiji kabiji mambo ka? (Mala. 1:2, 3) Ñanyi bintu byafwainwe kuba Isao pa kuba’mba afuukule bintu bulongo?

• Iipuzhai’mba: ‘Nakonsha kumwesha byepi’mba nanemeka bya ku mupashi mu bintu byo nguba mulungu ne mulungu nabiji kwikala na kupopwela kwa kisemi?’