“Mwatawanji Bamuyuka Bingi ku Bibelo bya Muzhi”

Mwanamukazhi walumbuluka ulengela mwatawanji kumunemeka ku bantu. Mu moba a Mfumu Lemwela, mwanamulume wajinga na mwanamukazhi walumbuluka ‘bamuyukile bingi ku bibelo bya muzhi.’ (Man 31:23) Lelo jino, banabalume bo banemeka bekala bakulumpe mu kipwilo ne bankwasho. Inge basongola, byubilo byawama bya bakazhi babo ne byo batundaika bamwatawabo, byo byo batalapo pa kuba’mba bafikilemo kwingila. (1Ti 3:4, 11) Banabakazhi ba uno mutundu bebasanchila bingi ku bamwatawabo ne ku kipwilo.

Mwanamukazhi walumbuluka ukwasha mwatawanji kwingilako mingilo mu kipwilo kupichila mu . . .

• kumutundaika na byambo byawama.—Man 31:26

• kutundaika mwatawanji kwingilako mingilo ya kipwilo.—1Te 2:7, 8

• kwikala bwikalo bwapeela.—1Ti 6:8

• kubula kwipuzha mwatawanji kumubuula bintu bya bufyamfya bya mu kipwilo.—1Ti 2:11, 12; 1Pe 4:15