Kwingijisha Bimwesho Byafwainwa

Ntendekelo 15:5

BYO MWAFWAINWA KUBA: Ingijishai bimwesho pa kuba’mba bantu bomvwishe kishinka kyo mubena kufunjisha.

BYA KUBA:

• Salai bimwesho byakonsha kwimukwasha kufunjisha bishinka bikatampe. Ingijishai bipikichala, mapu nangwa bimwesho bikwabo bisakwimukwasha kufunjisha bishinka bikatampe, kechi bishinka bicheche ne. Bantu kechi bafwainwa kuvulukatu kimwesho ne, bino bafwainwa kuvuluka ne lufunjisho lujimo.

• Monai kuba’mba bantu babena kumona kimwesho kyo mubena kwingijisha.