KAKITENGULUZHA MWALUMBULULWA BISHINKA 18A
Yehoba Ubena Kujimunako Bantu Pa Nkondo Ikatampe Ibena Kwiya
Mu Baibolo muji bungauzhi bwavula bingi bwaamba pa nkondo ikapelako ya Yehoba, mo akepaya bonse babula kumukookela bamanyika bantu banji. Buno bungauzhi bumo buji panshipo. Monai byo bwaamba byo bipasha, ne Yehoba byo apa bantu kimye kya kukookela luno lujimuno.
MU MOBA A BENA ISALELA
EZIKYO: “‘Nkambo Mfumu Yehoba waamba’mba, ‘Amiwa nkaleta mpoko pe aye pa mitumba yami yonse.’” —Ezi. 38:18-23.
YELEMIYA: “[Yehoba] mwine ukachibila mambo bantu bonse. Kabiji ukalengela bantu babi kufwa ku mpoko.”—Yele. 25:31-33.
DANYELA: “Lesa wa mwiulu ukaleta bufumu bo bakabula konauna. Kabiji buno bufumu kechi bakebupana ku bantu bangi ne. Bukavingakanya ne kupwisha buno bufumu bonse.” —Da. 2:44.
MU MOBA A BENA KILISHITU BATANSHI
YESU: “Kukekala malwa akatampe, akyangye kumwekapo kala kufumatu ku ntendekelo ya pano pa ntanda.”—Mat. 24:21, 22.
PAULO: “Yesu . . . na bamalaika banji ba bulume . . . ukeya na kushinkanya nabo aba babula kuyuka Lesa.”—2 Tesa. 1:6-9.
PETELO: “Juba ja Yehoba jikeya nobe ngivi, . . . kabiji ntanda ne mingilo ijimo bikasoloka patoka.”—2 Pe. 3:10.
YOANO: “Mu kanwa kanji mwalupukile mpoko yalepa yatwa ya kwipayilako bisaka bya bantu.”—Lum. 19:11-18.
MU ANO MOBA
Baibolo bamutuntulula mu milaka yavula ne kumusampanya ku bantu bavula kukila mabuku onse
BAPOPWESHI BA YEHOBA BA MU ANO MOBA . . .
Babena kusampanya mabuku alumbulula Baibolo mu milaka yavula bingi
Babena kwingila maola avula bingi mu mwingilo wa kusapwila