MEPUZHO A MU BAIBOLO AKUMBULWA

Nanchi Diabola wafumine pi?

Lesa kechi ye walengele Diabola ne. Lesa walengele malaika waishile kwikala Diabola, kabiji utelwa’mba Satana. Yesu waambile kuba’mba Diabola wajingapo malaika wakishinka kabiji wabula mambo. Kino kibena kumwesha’mba Diabola wajinga malaika wawama wa kwa Lesa.—Tangai Yoano 8:44.

Nga malaika waikajile byepi ke Diabola?

Uno malaika wawama waikele Diabola wasajilepo kusatukila Lesa kabiji wajimbaikile bamulume ne mukazhi batanshi kusatukila Lesa. Na mambo a kino wilengele mwine kwikala ke Satana, kibena kulumbulula’mba wa “Milengulwila.”—Tangai Ntendekelo 3:1-5; Lumwekesho 12:9.

Byonkatu byajinga bilengwa bya Lesa byonse, uno malaika waikele Diabola wajinga na bwana bwabene bwa kwifuukwila kyawama ne kyatama, bino aye wakebelenga bantu kumupopwela. Wakebeshenga kumupopwela kukila kutokesha Lesa pa muchima.—Tangai Mateo 4:8, 9; Yakoba 1:13, 14.

Diabola watwajijile byepi kongola bantu? Nanchi mwafwainwa kumuchiina nyi? Mwakonsha kutana mikumbu ya ano mepuzho mu Baibolo.

Umvwe mukeba kuyukilapo byavula, monai kitango 10 kya uno buku wanembwa na Bakamonyi ba kwa Yehoba