Babena kusapwila kwipi na muzhi wa Monrovia, mu Liberia

Bya Kwisamba na Bantu

●○○ KIMYE KITANSHI

Bwipuzho: Nanchi Baibolo ikwasha bantu ano moba nyi?

Kinembelo: 2Ti 3:16

Pa Kutendekela: Baibolo waamba pa ñanyi bintu?

○●○ PA KUBWELAKO KUTANSHI

Bwipuzho: Baibolo waamba pa ñanyi bintu?

Kinembelo: Mat 6:10

Pa Kutendekela: Ñanyi bintu bikoba Bufumu bwa Lesa?

○○● PA KUBWELAKO JA BUBIJI

Bwipuzho: Ñanyi bintu bikoba Bufumu bwa Lesa?

Kinembelo: Da 2:44

Pa Kutendekela: Ñanyi bintu bikoba Bufumu bwa Lesa pano pa ntanda?

Kutendeka uno ñondo, mu kupwila kwa mukachi ka mulungu kechi tukatambanga mavidyo asatu abena kumwesha mashinda a kwisambilamo ne. Mu Mutanchi wa Kupwila kwa Bwikalo ne Mwingilo mwikalanga bwipuzho butanshi, kinembelo ne bwipuzho bwa kukatendekelapo pa kubwelako. Pa kupwila, kukekalangatu kutamba vidyo umo wamwesha bya kwamba. Musapwishi yense ukesajilanga buku wa kushila muntu pa mabuku o tufunjishamo bantu. Basapwishi bakafuukulanga kimye kya kusha buku, pa kimye kitanshi, pa kubwelako jitanshi nangwa pa kubwelako ja bubiji. Kabiji mu mutanchi wa kupwila mukekalanga mashinda akutendekelamo mwisambo pa kubwelako kutanshi ne kwa bubiji. Jino jishinda jiketukwasha kuta muchima pa kufunjisha baji na “michima ya bukishinka ya kukeba bumi bwa myaka ne myaka.”—By 13:48.

Majashi a Baana ba Sukulu: Baana ba sukulu bonse bafwainwa kumwesha bya kwisamba na bantu, kanatu inge paji mikambizho imubuula kuba bya pusanako.