Thomas Jackson/Stone via Getty Images
UNA GO DE WACH!
Usay Wi Go Fɛn Op Insay 2024?—Wetin di Baybul Se?
Bɔku pipul dɛn tink se nɔbɔdi nɔ go ebul fɔ sɔlv di prɔblɛm dɛn we de apin na di wɔl insay 2024. Bɔt wi stil gɛt op fɔ di bambay. Usay wi go fɛn am?
Di Baybul de ɛp wi fɔ gɛt op
Di Baybul dɔn prɔmis wi se Gɔd gɛt fɔ sɔlv ɔl di prɔblɛm dɛn we wi de gɛt tide we de mek i tan lɛk se wi nɔ gɛtop. I nɔ go te igen, Gɔd “go wep ɔl di kray wata na [wi] yay, ɛn day nɔ go de igen, pwɛl-at ɛn pen nɔ go de igen, ɛn dɛn nɔ go kray igen bikɔs dɛn at pwɛl.”—Rɛvɛleshɔn 21:4.
Fɔ lan mɔ bɔt di Baybul in prɔmis dɛn bɔt tumara bambay, rid di atikul we nem “A Real Hope for a Better Tomorrow.”
Aw di Baybul kin ɛp yu rayt naw
Di op we di Baybul de gi bɔt di bambay go ɛp yu fɔ lɛf fɔ fil se yu nɔ gɛt op ɛn i go mek yu bigin fɔ fil fayn bɔt di bambay. (Romans 15:13) Di fayn advays dɛn na di Baybul kin ɛp yu bak wit di prɔblɛm dɛn we de mit yu rayt naw, prɔblɛm dɛn lɛk po, we dɛn nɔ de trit yu fia wan, ɛn siknɛs.
Si aw di op we di Baybul de gi bin ɛp wan man fɔ gɛt pis ɛn gladi-at pan ɔl we i mɛn na famili we po. Wach di vidio we nem Juan Pablo Zamino: Jiova bin Gi Mi Layf we Gɛt Minin.
Rid bɔt aw di Baybul kin ɛp yu we yu de fil gilti bikɔs yu bin dɔn du sɔntin we bad, yu at pwɛl, yu de wɔri, ɛn pɔsin we yu lɛk day. Rid di atikul we nem “Can I Find Words of Comfort in the Bible?”
Si aw wan uman we na bin soja we tɔk se in na bin pɔsin we “bad ɛn nɔ bisin bɔt ɔda pipul dɛn.” I bin gɛt op bikɔs ɔf wetin i lan frɔm di Baybul. Wach di vidio we nem I Put Down My Rifle.
Mek 2024 bi ia we fayn fɔ yu ɛn yu famili. Lan mɔ bɔt aw di Baybul kin ɛp yu. Gri fɔ stɔdi di Baybul wit wan pan Jiova Witnɛs dɛn fɔ fri. Lan bɔt aw Gɔd kin mek yu “gɛt pis” naw ɛn mek “lɛ tin fayn fɔ [yu] tumara bambay ɛn . . . gɛt op.”—Jɛrimaya 29:11, NWT.