DI BAYBUL IN ANSA TO SƆM KWƐSTYƆN DƐN

Aw tumara bambay go tan lɛk fɔ mɔtalman?

Na tru se mɔtalman dɛn go kɔntinyu fɔ go bifo pan sayɛns biznɛs. Bɔt dɛn go ebul mek ɔlman kia bɔt in kɔmpin na di wɔl? Nɔ, dɛn nɔ go ebul. Tide, pipul dɛn na di wɔl want ɔltin fɔ dɛnsɛf ɛn na dɛnsɛf nɔmɔ dɛn bisin bɔt. Bɔt, Gɔd dɔn prɔmis fɔ du sɔntin we go bɛnifit ɔlman.—Rid Pita In Sɛkɔn Lɛta 3:13.

Gɔd in Wɔd sho wi aw di wɔl go tan lɛk tumara bambay. I se pipul dɛn go lɛk dɛnsɛf, dɛn nɔ go gɛt ɛnitin we go mek de fred, ɛn nɔbɔdi nɔ go du dɛn bad.—Rid Mayka 4:3, 4.

Aw pipul dɛn go lɛf fɔ bisin bɔt dɛnsɛf nɔmɔ?

Gɔd nɔ bin mek mɔtalman fɔ bisin bɔt insɛf nɔmɔ. Bɔt we di fɔs mɔtalman we Gɔd mek nɔ bin du wetin Gɔd tɛl am, i lɔs di pafɛkt layf we i bin gɛt. So wi de bisin bɔt wisɛf nɔmɔ bikɔs na frɔm Adam wi ɔl kɔmɔt. Bɔt Gɔd go yuz Jizɔs fɔ gi mɔtalman pafɛkt layf bak.—Rid Lɛta Fɔ Rom 7:21, 24, 25.

Fɔ mek wetin Gɔd want bi, Jizɔs sakrifays in layf so dat i go pul mɔtalman pan di sin we di fɔs man briŋ pan wi. (Lɛta Fɔ Rom 5:19) So Jizɔs mek am pɔsibul fɔ lɛ mɔtalman ɛnjɔy layf tumara bambay ɛn lɛf fɔ du bad.—Rid Sam 37:9-11.