Lɛ Wi Tray fɔ Du Dis we Wi De Prich—Prich to Pɔsin We De Tɔk Ɔda Langwej

Wetin Mek Dis Impɔtant? Jiova want mek “ɔlman” na di wɔl lan bɔt am. (Fɔs Lɛta To Timoti 2:3, 4) Na dat mek Jizɔs bin tɔk se dɛn fɔ prich di gud nyus to “ɔlman na [di] wɔl.” (Mat. 24:14) Zɛkaraya bin tɔk se pipul dɛn we kɔmɔt na “ɔl di trayb dɛn na [di] wɔl” go lisin. (Zɛk. 8:23) Frɔm di apɔsul Jɔn in vishɔn, di wan dɛn we go sev we da big trɔbul go kam na di wan dɛn we “kɔmɔt na ɔl dɛn trayb ɛn ɔl dɛn neshɔn na [di] wɔl, dɛn bin de tɔk ɔl dɛn difrɛn difrɛn laŋwej na [di] wɔl.” (Rɛv. 7:9, 13, 14) Frɔm di tin dɛn we dɛn bin dɔn tɔk bɔt, dat fɔ mek wi tray fɔ prich to ɛnibɔdi we de tɔk ɔda langwej.