Lɛ Wi Tray fɔ Du Dis We Wi De Prich—Tray fɔ Prich to Ɔlman na Wi Tɛritri

WETIN MEK I IMPƆTANT? Zɛkaraya bin dɔn tɔk se pipul dɛn frɔm ɔl di neshɔn dɛn go lisin to di gud nyuz. (Zɛk 8:​23) Bɔt udat go tich dɛn? (Rom 10:​13-15) Wi gɛt di ɔnɔ ɛn wok fɔ prich di gud nyuz to ɔlman na wi tɛritri.—od-E pej 84, par. 10 ɛn par. 11.

AW FƆ DU AM?

• Pripia. Yu kin mit pipul dɛn we de tɔk ɔda langwej? Yu kin yuz JW Language ap fɔ lan fɔ tɔk to di pɔsin simpul we. Ɔ yu kin yuz yu fon ɔ tablɛt fɔ sho di pɔsin aw i go ebul fɔ fɛn mɔ tin dɛn we de insay in langwej na jw.org

• Luk di tin dɛn we de arawnd. If yu de prich frɔm os to os, rɛdi fɔ yuz ɛni chans fɔ prich to pipul dɛn we de pas ɔ we de wet insay motoka. If yu de du pɔblik prichin, nɔ fɔgɛt se di men rizin we mek yu de de na fɔ prich

• Du ɔl wetin yu ebul. Nɔ taya fɔ go bak na os dɛn we yu nɔ bin mit pɔsin di fɔstɛm we una bin de prich. Tray tranga wan fɔ tɔk to wan pɔsin na ɔl di os dɛn. Sɔntɛm yu kin go de difrɛn tɛm insay di de ɔ yu kin go de difrɛn tɛm insay di wik. Sɔntɛm yu go nid fɔ rayt lɛta to di pipul dɛn we yu nɔ kin mit na os, kɔl dɛn na fon, ɔ prich na strit fɔ mek yu go ebul fɔ tɔk to dɛn

• Go bak. Nɔ westɛm fɔ go bak to pɔsin we sho se i want fɔ no mɔ. If di pɔsin de tɔk ɔda langwej, tray fɔ fɛn pɔsin we sabi tɔk da langwej de fɔ ɛp am. Yu fɔ kɔntinyu fɔ go bak to di pɔsin te di pɔblisha we de tɔk in langwej bigin go to am.—od-E pej 94, par. 39 ɛn par. 40

WACH DI FIM WE GƐT DI TAYTUL, DƐN DE ‘PRICH ƆLƆBƆT NA DI WƆL’, DƆN UNA TƆK BƆT DƐN KWƐSTYƆN DƐN YA:

• 

  Wetin di brɔda ɛn sista dɛn bin du fɔ rɛdi fɔ go prich to pipul dɛn na ples dɛn we dɛn nɔ kin de prich ɔltɛm? (1Kɔ 9:​22, 23)

• 

  Wetin-ɛn-wetin nɔ bin izi fɔ di brɔda ɛn sista dɛn?

• 

  Wetin na di blɛsin dɛn we dɛn bin ɛnjɔy?

• Wetin yu go du fɔ tray tranga wan fɔ prich to mɔ pipul dɛn na yu tɛritri?