Yu De Yuz di Odio Baybul Gud Wan?

Wetin na odio Baybul? Odio Baybul na di rɛkɔdin we dɛn du fɔ di nyu New World Translation. Dɛn de rilis am smɔl smɔl insay bɔku langwej dɛn. Wan fayn tin bɔt di odio Baybul na dat dɛn de yuz difrɛn vɔys dɛn fɔ difrɛn pipul dɛn we di Baybul tɔk bɔt. Dɛn de rid am wit filin ɛn pe atɛnshɔn to sɔm patikyula wɔd dɛn fɔ mek dɛn rid di mɛsej we de na di Baybul kɔrɛkt wan.

Aw sɔm pipul dɛn de bɛnifit frɔm di odio Baybul ridin? Bɔku pipul dɛn we de lisin to am ɔltɛm lɛk di we aw di odio Baybul ridin de mek Gɔd in Wɔd gɛt layf. Dɛn fil se we dɛn de yɛri difrɛn vɔys dɛn fɔ di difrɛn pipul dɛn we di Baybul tɔk bɔt, dɛn de ebul fɔ imajin di tin dɛn we apin we di Baybul tɔk bɔt ɛn ebul fɔ ɔndastand di tin dɛn we rayt de klia wan. (Prɔ 4:​5) Bɔku pipul dɛn dɔn si se we dɛn de lisin to di odio Baybul ridin i de kɔrej dɛn we dɛn de wɔri bɔt sɔntin.—Sam 94:​19.

We wi de yɛri we dɛn de rid Gɔd in Wɔd lawd wan dat de rili chenj wi layf. (2Kr 34:​19-21) If di odio Baybul de kɔmplit wan ɔ af pat insay di langwej we yu de ɔndastand, yu go mek tɛm fɔ de lisin to am ɔltɛm?

WACH DI VIDIO WE GƐT DI TAYTUL, AW DƐN DE MEK DI ODIO BAYBUL—SHƆT PAT, DƆN UNA ANSA DI KWƐSTYƆN WE DE DƆŊ:

Wetin yu lɛk bɔt di we aw dɛn de mek di odio Baybul?