Tin dɛn we Go Ɛp Yu fɔ Du Yu Baybul Ridin Ɛvride

Bikɔs wi ɔl gɛt bɔku tin dɛn fɔ du, fɔ se i nɔ kin izi fɔ mek yu rid Gɔd in Wɔd ɛvride? (Jɔs. 1:8) If na so i bi, tray fɔ du wan pan dɛn tin dɛn ya:

• Sɛt rimaynda. Sɛt alam na yu fon we go mɛmba yu fɔ du yu Baybul ridin.

• Put yu Baybul na say we yu go si am. If na di Baybul we dɛn print yu de yuz, put am na say we yu go si am ɛvride.—Dyu. 11:18.

• Lisin to odio rɛkɔdin dɛn. Lisin to di odio Baybul ridin we yu de du yu wok dɛn. Wan sista we nem Tara we na mama ɛn payɔnia ɛn we de wok na nɛt tɔk se: “We a de lisin to di odio Baybul we a de du mi os wok dɛn, dat de ɛp mi fɔ du mi Baybul ridin ɛvride.”

• Nɔ giv-ɔp. If sɔntin apin we mek yu nɔ ebul du yu Baybul ridin di tɛm we yu kin du am, tray fɔ rid sɔm vas dɛn bifo yu slip. Ilɛksɛf yu nɔ rid bɔku vas dɛn ɛvride, yu go stil bɛnifit.—1 Pit. 2:2.