Wetin Gɔd in Kiŋdɔm Go Du bɔt Wɔ?

Ɔlsay na di wɔl, wɔ de kɔntinyu fɔ pwɛl bɔku ples dɛn, ɛn i de mek pipul dɛn sɔfa ɛn fil pen. Notis wetin de na dɛn ripɔt dɛn ya:

• “Las ia, mɔ pipul dɛn day bikɔs ɔf wɔ. Dis apin mɔ na Itiopia ɛn Yukren pas aw i dɔn apin frɔm di ia 1994.”—Peace Research Institute Oslo, Jun 7, 2023.

• “Di wɔ na Yukren na wan pan di wɔ dɛn we bin bad-ɔf mɔ insay 2022. Las ia, fɛt-fɛt we gɛt fɔ du wit pɔlitiks bin ad bay 27 pasɛnt ɔlsay na di wɔl, ɛn dis pas di we aw i bin go ɔp di ia bifo dat. Dis kayn fɛt-fɛt bin afɛkt lɛk 1.7 bilyɔn pipul dɛn.”— The Armed Conflict Location & Event Data Project (ACLED), Fɛbwari 8, 2023.

Di Baybul de gi wi op. I tɔk se “di Gɔd na ɛvin go mek wan kiŋdɔm we dɛn nɔ go ɛva pwɛl.” (Daniɛl 2:​44) Gɔd go yuz da Kiŋdɔm ɔ gɔvmɛnt de fɔ “mek wɔ dɔn ɔlsay na di wɔl.”—Sam 46:​9.