Wetin Gɔd in Kiŋdɔm Go Du bɔt Pɔlitishian dɛn We Kɔrɔpt?

Pipul dɛn want gɔvmɛnt lida dɛn we dɛn go abop pan; dɛn dɔn taya wit pɔlitishian dɛn we kɔrɔpt. Insay 2023, we dɛn bin pɔblish wan sɔve we dɛn bin du ɔlsay na di wɔl, bɔku pipul dɛn bin se gɔvmɛnt lida dɛn na di las pipul dɛn we dɛn go abop pan.a

Di Baybul tɔk bɔt wan gɔvmɛnt we in Lida na pɔsin we dɛn kin abop pan, we ɔnɛs, ɛn we nɔ kɔrɔpt atɔl. Da gɔvmɛnt de na Gɔd in gɔvmɛnt, ɛn di Lida na Jizɔs Krays.​—Ayzaya 9:7.

Jizɔs dɔn pruv se i rili bisin bɔt pipul dɛn. (Matyu 9:35, 36) As di Kiŋ fɔ Gɔd in Kiŋdɔm, i gɛt fɔ du tin fia wan, ɛn i go gi pis to ɔl di wan dɛn we want fɔ de ɔnda in rul.​—Sam 72:12-14.