Wetin Gɔd in Kiŋdɔm Go Du bɔt Wɛlbɔdi Biznɛs?

“Jɔs bikɔs Korona nɔto imajɛnsi na di wɔl igen nɔ min se i nɔ go ambɔg pipul dɛn wɛlbɔdi difrɛn say dɛn na di wɔl.. . . Wi shɔ se ɔda kayn pandɛmik gɛt fɔ kam, ɛn wi nid fɔ rɛdi fɔ am.”—Dr. Tedros Adhanom Ghebreyesus, director-general of the World Health Organization, Me 22, 2023.

Bikɔs ɔf di Korona pandɛmik, bɔku pipul dɛn de kɔntinyu fɔ gɛt wɛlbɔdi prɔblɛm ɛn prɔblɛm wit di we aw dɛn de tink. Fɔ se gɔvmɛnt dɛn ɛn ɔganayzeshɔn dɛn we de kia fɔ wɛlbɔdi biznɛs go rɛdi fɔ di nɛks pandɛmik, ɔ ivin kia fɔ di wɛlbɔdi prɔblɛm dɛn we wi de gɛt rayt naw?

Di Baybul tɔk bɔt wan gɔvmɛnt we go mek wi gɛt di kayn wɛlbɔdi we wi nid. I se “di Gɔd na ɛvin go mek wan kiŋdɔm,” ɔ gɔvmɛnt. (Daniɛl 2:​44) Di tɛm we da gɔvmɛnt de go de rul, “nɔbɔdi nɔ go se: ‘A nɔ wɛl.’” (Ayzaya 33:​24) Ɔlman go gɛt wɛlbɔdi ɛn dɛn go yɔŋ bak.​—Job 33:​25.