Wetin Gɔd in Kiŋdɔm Go Du bɔt Mɔni Prɔblɛm?

I nɔ izi fɔ lɛ bɔku pipul dɛn na di wɔl gɛt dɛn an-to-mɔt, ɛn tin de tranga mɔ ɛn mɔ.

• a Di ripɔt bin wɔn wi se if natin nɔ chenj, “big difrɛns go de bitwin jɛntriman ɛn di wan dɛn we nɔ jɛntri.” Dɔn bak, “tin go tranga mɔ fɔ bɔku famili dɛn pas aw i bin de bi trade.”

Fɔ se gɔvmɛnt dɛn go ebul du sɔntin bɔt di we aw tin jɔs de tranga na di wɔl, ɔ ivin sɔlv dis prɔblɛm?

Di Baybul ɛksplen se wan gɔvmɛnt de we go ebul ɛn we gɛt fɔ sɔlv di mɔni prɔblɛm na di wɔl, ivin di difrɛns we de bitwin jɛntriman ɛn di wan dɛn we nɔ jɛntri. I se “di Gɔd na ɛvin go mek wan kiŋdɔm,” we na wangren gɔvmɛnt we go rul ɛn sɔlv ɔl di prɔblɛm dɛn na di wɔl. (Daniɛl 2:44) Di tɛm we da gɔvmɛnt de go de rul, dɛn nɔ go fɔgɛt bɔt ɛnibɔdi ɔ lɛf am biɛn. (Sam 9:18) Ɔlman we go de ɔnda Gɔd in Kiŋdɔm go gɛt wetin dɛn nid fɔ mek dɛn gladi. Ɔlman go ebul fɔ gɛt bɔku bɛnifit fɔ dɛn tranga wok.​—Ayzaya 65:21, 22.