MULILAŊ LE NYUNALA BAABUIYO
Vɛɛ chila waŋchieeya wa yɛ niŋ?
Vɛɛ piɔm Chiisoo tosa yɛ a sabu le mi waŋchieeya kpou sɔla chieeŋ nda kaaliaŋ niŋ vellaa velle wo?
Wanaa sinaa dɛnɛ bɛnduaa cho hiouwɔɔ lachi a sɔɔŋ tosaa. Kɛ a nɔla niŋ pa ma kila chieeŋ nda kaaliaŋ niŋ vellaa velle wo? Sako bɛɛ. Hau, chieeŋndo hiou ba a kaayei nduyɛ a hɔlteŋ. Kɛ Mɛlɛka nɔ sabu kɛndɔɔ le waŋchieeya.—Nuawɔ Pitɛ Diiŋ Ndɔɔ 3:13.
Diom Mɛlɛkaa tɛɛsiaa mɛɛ waŋchieeya chieeŋndo balɔɔ silɔ kaaliaŋ niŋ vellaa velle o chilaŋ niŋ yɛ. Waŋchieeya nɔ niŋ isiooŋ te, nduyɛ wana o wana tosallɛ niŋ nda kpundɛ le.—Nuawɔ Maika 4:3, 4, NW.
Vɛɛ kaayei cho yɛ mɛɛlu?
Mɛlɛka ndoo toosiaa wanachiee ikaaye o tase ndɔ le. Kɛ mɛɛ Adama hɛli le Mɛlɛka nilakalulaŋ tosallo, mbo luɛi o hakioo niŋ. O ndu niŋ naŋ sɔla kaayei ni. Nduyɛ, lelaŋ Mɛlɛka cho Chiisu soliŋ kpeku ni le mbo soli waŋchieeya o hakioo niŋ.—Nuawɔ Luomaŋnda 7:21, 24, 25.
Le sabu Mɛlɛkaa peeloo, mi Chiisu soliŋ sala, nduyɛ mbo faŋa fulamakɔɔli nilakalula Adama laŋ la chuu naa wo. (Luomaŋnda. 5:19) Lelaŋ, Chiisu tosa a sabu ni le mi waŋchieeya huŋ sɔla chila kɛndɛlaŋ nduyɛ mbo soli nda kaayei o lakɔl le iwɔɔŋnde tosaa.—Nuawɔ Chondei 37:9-11, NW.