Suukaŋndo o Intanɛtiiyo Choo​—Kpakpala Kpundɛlaŋ

LE YƐƐ HEI BƐNDA YƐ​?: Maa nyɛm waliŋ bɔɔbɔɔ, intanɛtiiyo yɔŋgu malaa ɔɔ mbo yɔŋul. Kilisiɔŋnda apum kɛɛsiaa pɛŋ maa a yeema ma soliŋ intanɛtiiyo kpeku le suukaŋndo le. Mi Kilisiɔŋaa cheleŋ soliŋ intanɛtiiyo kpeku le suukaŋndo a yuŋgu ndaa vɛlɛ a chaaŋaa ndaa. Kɛ Nyina Wɔɔŋndo yeema naa miŋ soliŋ ndu kpeku o nɛi wɔɔŋndo choo, nduyɛ koŋ tosa mi chaŋyɛi nɛi a Chɛhowa i tambu. Maa Chiisu, ŋ soliŋ sawala mandaalaŋ kpeku o Diom Mɛlɛkaa niŋ le sinaa kpundɛlaŋ nduyɛ miŋ kpakpala laŋ.​—Luk 4:​4, 8, 12.

KPUNDƐLAŊ LE KPAKPALAA:

• Teleŋndo chuaa tau le suukaŋndo o intanɛtiiyo choo. Hiuwo teleŋndo chuaa o suukaŋndo niŋ o intanɛtiiyo choo ɔɔ yuei mapuului cheleŋ chii naa teleŋ sɔvɛ naŋ nɔ le sɔɔŋ Mɛlɛkaŋ tosaa wo o ba

  Sawala mandaala Baabuiyo: Ɛfi 5:15, 16; Fil 1:10

• Sɔɔŋ bɛnda le woŋ tofaa. Fotueila bɛnda kposoŋ te laŋ tofaa la nyindu naa le fotueila tumfondolaŋ nuaa ɔɔ sɔɔŋ nɔɔlɛiyoŋ. Diomndaŋ veeloo o yaula wanaa simul pɛɛkula Mɛlɛkalaŋnda ɔɔ tɛɛŋguŋ wɔɔŋndoŋ o intanɛtiiyo choo dii tiindaŋ naa

  Sawala mandaala Baabuiyo: Mat 5:28; Fil 4:8

• Handɔɔ diomnda bɛnda le laŋ ɔɔ fotueilaŋ o intanɛtiiyo choo. Le mɛɛ kɔllo hui wana yɛ, mi waŋndo yiyaŋ le mbo handu diomnda bɛnda le laŋ ɔɔ fotueilaŋ o intanɛtiiyo choo. Kɛ hei tɛɛmbuu kaa kɛndɛ waŋndo ɔɔ mii nyindu ndu mbo tosa hakioo o Mɛlɛka piɛiyo niŋ

  Sawala mandaala Baabuiyo: Luom 14:13; Ɛfi 4:29

TOFA VIDUEIYO TOSA SUUKAŊNDO O INTANƐTIIYO CHOO A TAASI, OKOŊ MA MIŊGI SONDOO KEI MƐƐ NAŊ KPAKPALA TƆƆNDAŊNDAŊ YƐ: