Nyɛ Baabuiyo Dimi wo Ndu Yɔŋnuŋ Ni

O cho ko a sɔɔŋ yɔŋnuŋ niŋ paandu woŋ te Baabuiyo soo le. Kɛ o soo vɛlɛ a sɔɔŋ cho hunɔɔ yɔŋnɔŋ o siɔdii lachioo niŋndoŋ. Wanachioo sina siɔdii lachioo le. Kɛ Baabuiyo ndu mala naa miŋ sina siɔdii lachio. Nyɛ koŋ naŋ sina ni maa Baabuiyo diom Mɛlɛkaa o cho ni. Yɛɛnɛ Baabuiyo dimi yɛ a chilaŋ okɔɔ?

O dimul naa a chɔu bɛndu Jɛhowaa okɔɔ. A chɔuvo hoo Mɛlɛka faŋa niŋ dɛnɛwɔɔŋndo o chieeŋndo choo ni vɛlɛa wanaa yɔŋwɔɔŋnda. Kɛ wanaa cho hɛnaŋ ndɔɔ tosaa wa nda, o cho nda kiindiaa. Chiisu Kiliti o Mɛlɛka kɛsi masa wo, cho tosa a sabu mi wanaa Mɛlɛkaa tuei nyaaloo a kɔlnyuloo yeela o lɛŋndeŋ choo. Nduyɛ, a nee lɛ niŋ te kɛlɛŋgaa ma vi.

Mɛɛ hei ke naa nyaaloo maa Mɛlɛka miŋgi niŋ chieeŋndo hoo kpele hɛnɛkɛ. Vɛ, lende le? Kɛ ŋ nɔ miŋ tosa nyɛ te ŋ yeema pɛ miŋ huŋ wa o kpele hɛnɛkɛ koŋ niŋ. Keŋ mala naa ni miŋ tuei nyɛm kɛndɛ Mɛlɛka mɛi muŋ lediomndoŋ yeela. O bundɛi mɛɛlɛi cho o yauwo hoo niŋnde, ŋ cho hunɔɔ pɛɛku a nyɛ naŋ nɔ miŋ tosa wo okɔɔ. Wanaa cho hɛnaŋ Mɛlɛkaa tosaa wa kinɛi tuɛi niŋ nyɔŋ muŋ yeela ni. Lelaŋ, tofawɔ o BUŊGƐI 8 ve hei niŋ ma che nyɛ Baabuiyo dimi a siɔdii lachioo okɔɔ wo.