A Bundɛi 3 Okɔɔ

Mɛɛ Mɛŋma Koŋgi Bɛnduaŋ ma hiou, nyɛɛmbɔ koni Baabuiyo chɔm diola wanaa piɛi Chɛhowa wa ni. Wana pilɛ o nda tɛɛŋ wa Ebilaham ni. Nduyɛ, ndu ndaa veelu ni aa chaaŋ o Chɛhowa. Le yɛɛnɛ ndaa veelu yɛ ndu aa chaaŋ o Chɛhowa? Te kala chuaa ŋ cho ni, mala po numndo ɔɔ chua numndo mbo sina maa Chɛhowa nɔ yeemɛi o ndu niŋ, nduyɛ o yeema ndu malaa. Ŋ nɔla miŋ nyuna Chɛhowa a kɔllo kpou le mbo mala naa mɛɛ o mala Ebilaham, a wanaa cheleŋaa piɛi ndu o laalaŋndo choo mɛɛ Lɔtu nda Chekɔpu wa nuaa yɛ. Ŋ nɔ tiindaŋndo kɛsɛ maa nyɛ o nyɛ Chɛhowa dimi le tosaa, o cho ndu tosa.