Chɛhowa Manda Naa Ni

1. Chɛhowa manda naa ni,

Ndu ko naŋ tiindaŋ ni.

Kpaaya ndɔɔ piŋi naa ni.

Loŋ ko naŋ viaŋnuŋ ni.

Ndu cho wana naa piŋiaa ni,

Hei dɛɛniaa naa kɔltaŋ niŋ ni.

Chɛhowa manda naa ni,

Mbo lo lechoo le fɛɛŋ a fɛɛŋ.

2. Waŋnda a kɛɛ ndu piɛiyo

Kɛ naa cho ndu piɛiyo,

Buɛiyaa nduaa o mel nda le.

Fɛɛŋ bɛɛ o kɛɛ nda le.

Siooŋii bii naa le fɛɛŋ fɛɛŋ te,

Nyɛ o nyɛ cho naa hiiluu le.

O cho naa soli leniŋ,

Mɛlɛka naa naŋ tiindaŋ ni.

3. Lɔɔ lɔɔ fee mbo manda naa,

Kpundɔɔ wa hunɔɔ pɛ,

Wanaa yɔŋ wɔɔŋnda o ba,

O chieeŋ wɔɔŋndo hoo niŋ.

Nyɛ nyɛ luei niŋ naa isiooŋ te,

Sɔɔŋ wɔɔŋndoŋ kpou ŋ ve niŋ te.

Chɛhowa manda naa ni,

Ndu pɛɛku naa le lɔɔ lɔɔ ni.