Hiouwɔɔ Lachioo Tosaa o Wali Pollo Niŋ—Yɛɛ Naŋ Tosa yɛ te Wana Chiɛiyo Dɔunuŋ Tumbe a Naa Pɛ?

Le yɛɛ Hei Bɛnda Yɛ? Wanaa bɔɔbɔɔ naŋ komal o wali pollo niŋnda ma soo o naalo nyɛkɛndɛi. Kɛ o wa bɛɛ lende, mi Chiisu dimi maa apum cho naa yɛleŋ tul. (Chɔŋ 17:14) Le hei, kɔndɔfili bii naa le te ŋ komal pɛ wana chiɛiyo mbo dɔunuŋ tumbe a naa. Te hei yɔŋnuŋ pɛ, ŋ nɔ miŋ chaa ndu mulul le bɛɛleŋ chɔmndo le wana naŋ sim wundule ndɔ wo, Chɛhowa. (Luom. 12:17-21; Pitɛ Tasoo 3:15) Te ŋ tosa pɛ lende, ŋ hiŋaŋ ladiom te. Nduyɛ o hei niŋ, ŋ nɔla miŋ timbi seile kɛndɛleŋ o wana chiɛi koŋndo a wanaa cheleŋaa cho wa tofaa wa. Koŋ tosa ma nɔ yeemɛi le nilaŋ yaŋɔɔ o yooŋgu kɛndɔɔ te Seiyaa Chɛhowaa komal nda pɛ lɔɔ cheleŋ.—Kɔl. Diiŋ Ndɔɔ 6:3.

Vɛɛ ŋ Tosa yɛ Hei?

Chɔm kaa tuisiaŋndo a o ichaŋyaa. Hei tosa mbo pɔlul kɔllo. Duanuŋ tumbe a wana chiɛiyo le. (Ikil. 7:9, NW) Naapum o cho a kɔl tambɛiyo kanifuule bahawɛila ndɔlaŋ la cho ndu palaa ni ɔɔ a komal ndu a teleŋ kɛndɛ le. O yɔŋ bɛɛ mbo tambu kɔl a yooŋgu naŋ kuɛ ndu dimullo wo, naapum choola nda dimul ndu a naa okɔɔ laŋ la tɛɛmbuu ndu kɔllo ni.—Kɔl. Diiŋ Ndɔɔ 4:4
Mulul ndu nyɛkɛndɛi a diomnda lebɛɛlaŋ. (Tal. 15:1, NW) Baa o luaŋ ŋ tindi ndu ni ɔɔ wallo ŋ komal ndu ni? Mi che bɛɛ naa ŋ nyɔɔlu waŋnda le ma yaŋ naa nilaŋ te, kɛ ŋ nyɔɔlu nda le mɛɛ naŋ komal nda a teleŋ kɛndɛ le yɛ. Baa choola o tuei niŋ a naa okɔɔ laŋ la tosa ni mbo duanuŋ tumbe? Te o wa lende pɛ, a dimi naa aa, “I che niko le nyɛ ŋ dɔunuŋ tumbe wo. Kɛ o wa bɛɛ lende, nyɛ ŋ tuei a naa okɔɔ wo cho tonya le. A yeema mi tɛɛsial num a ndi okɔɔ?” Baa laalaŋnda naalaŋ o pilɛ o tul le yɛ ni, mɛɛ waŋndo solioo o kunda leKilisiɔŋndo niŋ a koowaŋ waŋndo hivioo o ŋdial cho naa yɛ? A dimi naa aa, “I bii bila. Yiyaŋ pilɛ koŋ kpe wanaa cheleŋ nɔ ni. Kɛ a yeema pa mi chɔm num nyɛ Baabuiyo pɛɛku a keŋ okɔɔ wo?”
Te waŋndo hiu pɛ kɔllo tuuloo, o bɛnda ma mɛi ndu loŋ yɛlɛŋ nduyɛ, kindiŋ le ndu mulul te. Te o dimi pɛ maa Seiyaa Chɛhowaa kua lɛ o ndulo bɛɛ le, dimul ndu maa ŋ cho nyɛ ŋ yeema wo tosa.

Kindiŋ Ma Tosa Hei o Paŋgei Hei Niŋ,

Pɛɛku le hei tosaa a teleŋ ŋ cho wa pɛɛku num leyuŋgoo tosaa wo.
Te la faŋaŋ o chiɛi wana dɔunuŋ tumbe a nya wo pɛ, suukaŋ a wana nya cho o wali pollo niŋndo mɛɛ num aa mulul ndu nyɛkɛndɛi yɛ.