Hiouwɔɔ Lachioo Tosaa o Wali Pollo Niŋ—Wanaa Kandu Yooŋgu Kɛndɔɔ Dimioo Sɛnɛiya Pɛɛkoo
Le Yɛɛ Hei Bɛnda Yɛ? Buɛiyaa sɛnɛiya le Chiisu nɔ ma sɔla pɛɛkoo le tosaa “nyɛ o nyɛ” o dimul nda le tosaa. Waŋnda tonyaa pɛɛkoo cho opilɛ o nyɔɔŋ muŋ tɛɛŋ. (Maa. 28:19, 20) Wanaa sɛnɛiya haa a bɔɔbɔɔ suiliŋ niŋ ma wa o Sukuu Manda iMɛlɛkayaa niŋ. Nduyɛ naapum, a kandu niŋ yuŋgula ndalaŋ ɔɔ chaaŋaa ndaa yooŋgu kɛndɔɔ dimullo o baltaŋ niŋ. Kɛ o wa bɛɛ lende, mɛɛ nda hiau lachi fau a balika melaa chɔmndo le nyɛ nda cho pɛɛkoo wo yɛ, vɛlɛ a sinaa maa Chɛhowa yeema mi wana o wana tuei yooŋgu kɛndɔɔ, koŋ nyindu nda ma kandu kɔlaŋ o wali pollo niŋ a kundaa latulu. (Luomaŋ. 10:13, 14) Te wanaa sɛnɛiya suiliŋ pɛ maa wanaa dimiaa yooŋgu kɛndiaa yiŋndɔ le wa, pɛɛku kpeekpeiyo mala nda ma nɔ kɔl sikpaa le hiouwɔɔ lachioo tosaa o Chɛhowa piɛiyo niŋ.—Luku 6:40.
Kindiŋ Ma Tosa Hei o Paŋgei hei Niŋ.
La kɔ o wali pollo niŋ chiɛiyo a chiɛiyo nya wana ŋ cho Baabuiyo pɛɛkoo mbo simnuŋ wana dimiaa yooŋgu kɛndɔɔ kɛ o yiŋndɔ le wo. Kɔ a ndu o miiŋgu num makɔɔ ɔɔ pɛɛku num Baabuiyo. Te a nɔ pɛɛku Baabui le, dimul wana nɔ hoo taasi bɔɔ le yooŋgu kɛndɔɔ dimi le wo mi la kuɛi nya ndu o wali pollo niŋ.