Hiouwɔɔ Lachioo Tosaa O Wali Pollo Niŋ—Kila Ŋgemelaa le Miiŋgu Makɔɔ Tosaa

LE YƐƐ HEI BƐNDA YƐ?

Ŋ yeema miŋ pɔɔla kulii tonyɛi naŋ tɔl le. (1Kɔl 3:​6)Te ŋ saaluŋ pɛ wana chɔm yeemɛiyo, o bɛnda miŋ mɛi nyuna naŋ cho hunɔɔ suukaŋ choo wo te ŋ miiŋgu pɛ. Hei tosa mi wana chiɛiyo wa a yeemɛi nduyɛ bɛɛndiaŋ naa le miiŋgoo o ndulo cho wa tɛtɛlɛ. Te ŋ miiŋgu pɛ, ŋ dimul ndu maa ŋ hiŋ le nyuna naŋ mel numndo mulioo.

VƐƐ Ŋ TOSA YƐ HEI?

• Te a wa pɛ pɛɛkoo nyɛ ŋ cho lakɔ waŋnda dimul o chiɛila ndalaŋndo, pɛɛku vɛlɛ nyuna ŋ cho nda mel le miiŋgu ŋ cho teleŋ cheleŋndo. Naapum nyuna koŋ wa a suɛi dimiŋ o yau ŋ cho nda lakɔ mello niŋ. Te koŋ te, muli nyuna koŋ wa o yaula naŋ pɛɛku waŋnda laŋ niŋ opilɛ, o ŋ tuu le waŋndo yɔŋgoo wo te a miiŋgu pɛ.

• Te a hiŋ pɛ le suɛi chiiyo nya wana chɔm yeemɛiyo, dimul ndu maa a yeema ma miiŋgu vɛlɛ o ndulo mi la chɔɔlu suukaŋ nduyɛ ma chɔm ndu nyuna nya cho suukaŋ choo wo te a miiŋgu pɛ. Te o bɛnda pɛ, poonyiaa diola ndɔlaŋ, fondaŋ o cho wo, a foŋ nɔmbɛi (nimbolo) ndɔɔ.

• Te la chɛlaŋ pɛ a teleŋ ŋ nɔ le miiŋgoo wo, a nɔ ma lo o lediom.—Mat 5:​37.