Hiouwɔɔ Lachioo Tosaa o Wali Pollo Niŋ​—Miiŋgu Makɔɔ Tosaa

LE YƐƐ HEI BƐNDA YƐ: Wanaa bɔɔbɔɔ chɔm yeemɛi o yooŋgu leMasaa niŋnda wa tonyaa nuuviaa a Mɛlɛka okɔɔ. (Ai 55:​6) Le waŋnda haa pɛɛkoo o pɔmpɔmbɔ, ŋ nɔ miŋ wa miiŋgoo o ndalo teleŋ o teleŋ. Mi waŋnda sɔla simulta yɛ yɛlaŋ, lelaŋ mɛɛ naŋ chɔɔlu nda yeemɛi dɔuwɔɔ o kɔllɛ ve nyɛ pilɛ le. Kɛ a koŋ fau, ŋ tiuba miŋ mala nda tau te ŋ bɛɛndiaŋ pɛ nyɛkɛndɛi nduyɛ miŋ nɔ kpeleŋndo le miiŋgu makɔɔ kɛ kɛ. Nduyɛ o kpeekpeiyo cho yɛ pɛɛku Baabuiyo kandɔɔ ni.

VƐƐ Ŋ TOSA YƐ HEI:

• Kindiŋ ma keleŋa miiŋgu chɔchɔ, naapum o palɛi biŋgi bɛŋgu.—Mat 13:​19

• Waa wuye wuye nduyɛ ma nɔ bɛɛleŋ. Kindiŋ ma wa fɛɛsɛŋ

• Yil ndu a dialuŋfulaa. Soliŋ diola wana koŋ kpeku. Chɔm ndu le sabu ŋ miiŋgu loŋndo—naapum le nyunaa mulioo, le ndu yaula laŋga fula laŋ kioo, le ndu tɛɛŋgii nɛi ɔɔ vidueiyo chɔmndo ɔɔ mɛɛ naŋ tosa pɛɛku Baabuiyo yɛ. A siŋga nyɛ ŋ tuu le dimioo wo te o chɔm num pɛ bahawɛi cheleŋ.—Fil 2:​4

• Pɔɔla kulii tonya ŋ tol ndu o kɔlle. A veelul ndu diomndaŋ o bolle Baabuileŋ niŋ ɔɔ a mel ndu yauwo. (1Kɔl 3:​6) Kindiŋ ma tosa chaŋyɛi a ndu

• Kila ŋgemelaa le teleŋ cheleŋ ŋ cho miiŋgu wo