Nɛi Sɛnɛi Cheleŋ le Suukaŋndo Kandɔɔ

Chɔŋ a Tɛɛkpaa 2016, Bandu Mɛŋgɛlaa naŋ ke waŋnda o bɛɛ wo nɔ suɛi lebolle o kɔɔ aa, “Yɛɛ Baabuiyo Dimi Yɛ?” Nɛi sɛnɛiyo hoo toosiaŋ le naa malaa le suukaŋndo kandɔɔ o sɔɔŋ Baabuiyo choo. Nɛiyo hoo cho ko mɛɛ tulatiila naŋ nɔlaŋ la cho yɛ. O nɔ nyuna waŋndo yiyaŋ tuupa mbo muli wo, bolle Baabui muli nyuna koŋndo vɛlɛ a sɔɔŋ cheleŋ nya chɔɔlu suukaŋ choo woŋ.

Balta kɛndɛlaŋ dɔuwɔɔ o sɔɔŋ Baabuiyo choo tosa mi waŋndo chɛl pɛɛku Baabuiyo. Soliŋ nɛi sɛnɛiyo hoo kpeku le wanaa bɔɔbɔɔ yeema sinaa a Mɛlɛka okɔɔ wa malaa.—Mat 5:​6.

MƐƐ Ŋ SOLIŊ NƐI SƐNƐIYO HOO KPEKU YƐ.

1. Nyuna wana chiɛiyo mbo chɔm yiyaŋ ndɔɔ o nyunala laŋ choo opilɛ

2. Yaŋ nilaŋ nduyɛ ma chandu ndu le muli o yɔŋgu wo

3. Veelu diomndaŋ o bolle Baabuileŋ niŋ o suɛi lebolle hei bɛŋgu, “Yɛɛ Baabuiyo Dimi Yɛ,” okoŋ ma nyuna ndu mɛɛ o yiyaŋ yɛ a nyɛ Baabuiyo dimi hoo wo. Te o nɔ teleŋ pɛ, la hiou lachi a suukaŋndo. A soliŋ kpeku a sɔɔŋ cho o suɛi lebolle hei bɛŋgu ve, “Yɛɛ Cheleŋ Naŋ Pɛɛku Yɛ o Baabuiyo Niŋ?”

4. Yɔŋgu Bandu Mɛŋgɛlaa a “Tiondoo!”

5. Kɛɛsiaa le miiŋgoo a teleŋ cheleŋ le suukaŋndo o nyuna diiŋ ndɔɔ choo