Sɔɔŋ Mala Naa le Bɔŋaŋ Wali Pollo Tosaa Nyɛkɛndɛiyoŋ

Bɔŋaŋ wali pollo a bɔŋaŋnda leKilisiɔŋndaŋ kpou, ke fula Chɛhowa o ba wo la cho ni. Mi laŋ kpou la mala naa miŋ kpeeŋiaŋ le kaalaa a walta kɛndɛlaŋ tosaa. (Hib 10:24, 25) Bɔŋaŋ wali pollo nɔ mbo wa le chemchemndaŋ ma ŋuɛɛnu ɔɔ ma ŋɔmmɛu. Wanaa dimiaa yooŋgu kɛndiaa piɔuwo, chɔmndo nda tanda dimiaa yooŋgu kɛndɔɔ, a piɛileŋ kpou nɔ mbo tosaŋ o teleŋ pilɔɔ hoo bɛŋgu. (Te o yɔŋ pɛ maa bɔŋaŋ cheleŋ nɔ mbo tosaŋ o bɔŋaŋ wali pollo kɔɔli, mɛɛ bɔŋaŋ wali pollo nɔ mbo chɔɔlu pɛŋ wa o biŋgi.) Wana cho chilaŋ chuaa le bɔŋaŋndo hoo wo nɔ mbo bɛɛndiaa nyɛ mala wanaa dimiaa yooŋgu kɛndiaa o wali pollo niŋ paaleleŋ ndo. Le tamaseliiyo, o Ndaamaa choo, te wanaa dimiaa yooŋgu kɛndiaa bɔɔbɔɔ ndaa fula yooŋgu kɛndɔɔ dimioo o lɔɔ hiou wo mɛɛlulaŋ te, i wa suɛi sɔvɛ le mi la suukaŋ a mɛɛ wana duau baltaŋ a wana chiɛiyo yɛ okɔɔ. Sɔɔŋ cheleŋ kuɛɛ bɛnda yɛ vɛlɛ le suukaŋndo a muŋ okɔɔ?

• Nyɛ ŋ nɔ le dimioo wo o Yoomu Naa leKilisiɔŋndo a Wali Pollo—Yau Wali Bɔŋaŋndo niŋ

• Mɛɛ wana soliŋ suɛi laŋga yɔŋnuŋ o tanda nyaa niŋnde ɔɔ yooŋgulaŋ kpeku le baltaŋ kandɔɔ yɛ

• Mɛɛ wana yɔŋgu mulioo le simulta cho o tanda nyaa niŋndaŋ yɛ

• Mɛɛ wana yɔŋgu mulioo le wana laalaŋ o Mɛlɛka niŋ te wo, wana laalaŋ maa nyɔɔŋ kpou a ba ndɔ ŋ hiŋ ni wo, wana dimi suɛi maŋgalɛi cheleŋnde wo, ɔɔ wana cho o kaaŋnde kendu saalɔŋ o tanda nyaa niŋndo yɛ

• Mɛɛ wana soliŋ jw.org, JW Library^®, ɔɔ Baabuiyo kpeku yɛ

• Mɛɛ wana soliŋ nyɛm walloŋ kpeku o Kɔfu Nyɛm Waliŋ Naŋ Pɛɛku Waŋnda Woŋ niŋ yɛ

• Mɛɛ wana dimi yooŋgu kɛndɔɔ o nɛila yɛ yɛlaŋ ndaŋ choo yɛ: Yooŋgu kɛndɔɔ dimioo o foŋndo choo, yaulaŋ poonyiaa, yooŋgu kɛndɔɔ dimioo naa waŋnda hiau tau wa, miiŋgula makɔɔlaŋ tosaa, ɔɔ pɛɛkula Baabuilaŋ tosaa

• Loonɔŋndaŋ a mɛɛ wana wa yekeŋ yɛ, yɛlɛmiaalaŋ tosaa le wanaa naŋ komal o wali pollo niŋnda, kaala kɛndɛlaŋ chɔmndo, yiyaŋ kɛndɔɔ nɔɔ a waŋnda okɔɔ, ɔɔ sɔɔŋ cheleŋ

• Buŋgɛi walle ipilɛ ɔɔ vidueiyo o yauwo hoo niŋ, Wou Sɛmbɔɔ le Diomndaŋ Veeloo a Waŋnda Pɛɛkoo

• Mɛɛ ŋ dɛɛniaa wana nya cho o wali pollo niŋndo nduyɛ ma mala ndu yɛ

• Bolle Baabuile chɛlaŋ a wali pollo leŋ ɔɔ suɛi yɔŋnaŋii kɛndɛ kɛndɛi a wali pollo okɔɔ