Ŋ WAŊNUŊ MAA ŊKILISIƆŊ
Nyɛ Naŋ Pɛɛku o Yoomu Saamiɛɛ wo Niŋndo
Mi Saamiɛɛ lo o tiindaŋ ndɔɔ choo o Chɛhowa lo haaa a yoomu ndɔɔ mɛɛlulaŋ. O Chuaambɔyɛi nduɛi niŋ, o tul kaala wɔɔŋnda puaa Ila wa wa tosaa laŋ kɔɔli le. Puaa kaŋ wa yɛ Hɔfini nda Finihaasi ni. (1Sa 2:22-26) Mi Saamiɛɛ hiau lachi a hindɔɔ, nduyɛ Chɛhowa wa ndu kɔɔli. (1Sa 3:19) Haaa o yuuwɛi nduɛi niŋ, mbo hiau lachi a Chɛhowa piɛiyo o laalaŋndo choo mi che bɛɛ mi puaa nduaa kɛɛ Chɛhowa piɛiyo.—1Sa 8:1-5.
Yɛɛ tamasi Saamiɛɛ wo pɛɛku yɛ naa? Te feleŋgɔnɔɔ ŋ cho ni, nɔ laalaŋndo maa Chɛhowa sina simulta cho num komallo laŋ nduyɛ a mɛɛ ŋ cho sinaŋndo yɛ. O tiuba mbo mala num le ma sɔla kɔl simulaa. (Ai 41:10, 13) Te kala chuaa ŋ cho ni nduyɛ mi chua numndo kɛɛ le Chɛhowa piɛiyo, a tiuba ma sɔla kɔl dɛɛniaa o tamasi Saamiɛɛ wo niŋ. O beŋ chuauwaa nduaa le sawala Chɛhowalaŋ biyɔɔ le. Mi che bɛɛ mbo mal bahawɛi ndɔɔ Chɛhowa o ba, kɛ mbo lo o pimbi ndɔ simiaa choo nduyɛ mi Chɛhowa naŋ kɔl a ndu. Naapum tamasi num kɛndɔɔ cho chuauwaa numnda nyindɔɔ le ma miiŋgu Chɛhowa o ibuŋ.
LA TOFA VIDUEIYO HOO, PƐƐKU O TAMASELII NDAA NIŊ—SAAMIƐƐ, OKOŊ MI LA MULI NYUNALAŊ NDAŊ:
Vɛɛ Saamiɛɛ chɔm yɛ kɔl simulaa o chuaambɔyɛi nduɛi niŋ?
Vɛɛ Dani chɔm yɛ kɔl simulaa?
Vɛɛ Saamiɛɛ kɛsi yɛ tamasi kɛndɔɔ o yuuwɛi nduɛi niŋ?
Mi Chɛhowa toolu wanaa sim yi le o kɛndɔɔ tosaa wa
Vɛɛ wanaa velu Dani wa kɛsi yɛ tamasi kɛndɔɔ?