A Cho Pa o Bɛɛndiaŋ te Chɔulaba Lemasaa Del Pɛ o Fondaŋ Ŋ Cho Wo?

Ŋ nɔ miŋ wa kɔl maa chɔulaŋ a niilu latandaa cho hiouwɔɔ lachi a kuiyo mɛɛ naŋ sɔɔŋguu fau o mɛɛlula chieeŋndo ikɛi. (Sɔɔ 6:4) Vɛɛ naŋ bɛɛndiaŋ yɛ le simulta cho naa komal o chilaŋ niŋndaŋ?

• Bɛɛndiaŋ o Mɛlɛka piɛiyo niŋ: Kindiŋ ma sina sawala mandaala Baabuiyo, a bolii Baabuiye itiŋ. Keŋ cho laalaŋ numndo kindi o Chɛhowa niŋ a kɔɔna ndɔɔ, nduyɛ mii mala num vɛlɛ ma lo yuŋyeŋ. (Pulɔ 12:5; jr-E 125-126 ¶23-24) Teleŋndo cho hoo ni le ma nɔ chaŋyɛi kala kalɛi a puaapiliaa a ndepiliaa numnda o kundaa niŋ.—1Pi 4:7, 8.

• Bɛɛndiaŋ o nɛi ŋdiallo niŋ: Te a yeema ma mal fondaŋ ŋ cho wo le, mɛɛ kindiŋ ma nɔ fondaŋ kɛndɔɔ le numpila mandaa. Tosa kɛɛsiaa le nyɛ ŋ nɔ ma tosa wo, te a yeema pɛ le fondaŋ ŋ cho wo malɔɔ. Mɛɛndiaŋ bɔlɔ ŋ kɛsi le wana sinaŋ dɛnɛ loo, okoŋ ma chɔɔlu nyɛm cho a kɛndiaa okɔɔ woŋ a nyɛsɔlaa dɔwɔɔ leniŋ. Kindiŋ ma sina nɛila ŋ suukaŋ a bɛnduaa kundaa laŋ okɔɔ. Nduyɛ ke nda nɔmbɛi nda veelu le sinaa a num okɔɔ wo.—Ai 32:2; g17.5-E 3-7

A teleŋ chɔulaba lemasaa, hiou lachi a sɔɔŋ cho a Mɛlɛka okɔɔ woŋ tosaa. (Flp 1:10) Faŋaŋ o fondaŋ ŋ cho wo le. Mɛɛ dɔɔ mbo wa aa mi bahawɛi kala kalaa fula. (Mat 10:16) Mala puaapiliaa numnda a nyɛdiaa, vɛlɛ a nyɛm cheleŋndoŋ.—Luo 12:13.

LA TOFA VIDUEIYO HOO, A CHO PA O BƐƐNDIAŊ TE KPUNDƆƆ DEL PƐ? OKOŊ MI LA MULI NYUNALAŊ NDAŊ:

• Vɛɛ Chɛhowa mala yɛ naa a teleŋ kpundɔɔ?

• Sɔɔŋ kuɛɛ naŋ nɔ yɛ miŋ tosa le bɛɛndiaŋndo?

• Vɛɛ naŋ mala yɛ wanaa kpundɔɔ komalla?