Ŋ WAŊNUŊ MAA ŊKILISIƆŊ
Wa O Bɛɛndiaŋ o Mɛɛlula “Palɛi Mɛɛlɛi” Niŋ
Mɛɛ naŋ biunuŋ mɛɛlula “palɛi mɛɛlɛi” fau yɛ, lende koni sɔɔŋ kpundɔŋ cho wa hiouwɔɔ lachi a yɔŋnɔŋndo ni. (2Timo 3:1; Mat 24:8) Te kpundɔɔ komal pɛ wanaa Chɛhowaa, teleŋnda bɔɔbɔɔ ma sɔla nɛila chɔmaala piŋi nda laŋ a teleŋndo kinɛi. Kɛ te ŋ yeema pɛ miŋ sɔla pioŋɔɔ a teleŋ kpundɔɔ, ŋ nɔ miŋ diikuŋ nɛila chɔmaala nda cho naa kioo laŋ le bɛɛndiaŋndo suŋ suŋ o Mɛlɛka piɛiyo niŋ, a o nɛi ŋdiallo niŋ.—Luk 16:10.
Bɛɛndiaŋ o Mɛlɛka piɛiyo niŋ: Tosa kɛɛsiaa le diomndaŋ veeloo o Baabuiyo niŋ a le pɛɛkɔŋ ipilayaa tosaa, nduyɛ ma tol kɛɛsiaa num koŋ kɔɔli. Pɛɛku le yooŋgu kɛndɔɔ dimioo o nɛila teŋgeŋ teŋgeŋndaŋ niŋ. Te a ve diompilɛ nya puaapiliaa a ndepiliaa o kundaa niŋ te, kɔllo wa num pulaŋ pulaŋ a boondii keŋ te. (Ai 30:15) Fɛɛŋ bɛɛ Chɛhowa nda Chiisu kue num levil te.—od-E 176 ¶15-17
Bɛɛndiaŋ o nɛi ŋdiallo niŋ: O faŋaŋndɔ o bɔlɔ pɔmbɔ nya cho kɛsi a nyɔɔŋ leniŋ ndo kɔɔli, yuŋgu kɛ kɛ nɔ mbo kɛsi nyɛdiaa, mɛŋndaŋ, koowaŋ, a nyɛm cheleŋ le wana sinaŋ dɛnɛ loo. Nduyɛ o bɛnda mi la kɛsi muŋ naa ŋ yala tambu le wa.—Pulɔ 22:3; g17.5-E 4, 6
HANDU VIDUEIYO HOO A CHO PA O BƐƐNDIAŊ LE KPUNDƆƆ? OKOŊ MI LA MULI NYUNALAŊ NDAŊ:
Vɛɛ naŋ bɛɛndiaŋ yɛ o nɛi Mɛlɛkaa choo le kpundɔɔ?
Le yɛɛ I cho yɛ suɛi sɔvɛ le . . .
miŋ nɔ suukaŋ kɛndɔɔ a bɛnduaa kundaa?
miŋ kɛsi nyɔɔŋ pum le wana sinaŋ dɛnɛ loo?
miŋ tosa yaasiaa le sinaa kpundɛla nɔla mi la yɔŋnuŋ o tanda naŋ cho wo niŋndaŋ, nduyɛ miŋ sina nyɛ naŋ nɔ miŋ tosa o kpundɛ kɛ kɛ niŋndo?
Nɛila yaala kuɛɛ naŋ nɔla yɛ miŋ mala waŋnda te kpundɔɔ komal nda pɛ?
NYUNAŊNDƆ AA: ‘Yɛɛ naa Kolonaa hoo pɛɛku yɛ ya a bɛɛndiaŋndo okɔɔ?’