A Cho Pa O Bɛɛndiaŋ?

Te kpundɔɔ del pɛ o fondaŋ ŋ cho wo, baa a cho pa o bɛɛndiaŋ? Mi sɔɔŋ pum woolu naa o lepilɛ niŋ kpe, nduyɛ miŋ mal kpundɛla bɔɔbɔɔ. Sɔɔŋ muŋ ŋpum cho lɛŋnde nyiiyaaleŋ, hueiyii fuku fukuei, yiŋndeŋ, a mɛŋma hunaŋ ni. O faŋaŋndɔ o muŋ kɔɔli, lepum mi viiyaa maŋtonduaa mal sɔŋgɔɔ, mi chɔulaba leMasaa del, nduyɛ mi naala wɔɔŋ wɔɔŋnda taŋ waŋnda laŋ la del o fondaŋ ndaŋ lapum ŋ ve ndi kɔl te. (Iki 9:​11) Ŋ nɔ miŋ yiyaŋ maa sɔɔŋ waa naa yɔŋnuŋ niŋ o fondaŋ naŋ cho wo le.

Naa pilɛŋ pilɛŋnda kpou nɔ miŋ tosa nyɛ le bɛɛndiaŋndo le kpundɔɔ. (Pulɔ 22:​3) Mi che bɛɛ mi kɔɔna Chɛhowaa yɔŋgu malaa te kpundɔɔ del pɛ, kɛ keŋ chɔm naa maa ŋ nɔ miŋ bɛɛndiaŋ te le.​—Kal 6:​5.

TOFA VIDUEIYO HOO A CHO PA O BƐƐNDIAŊ LE KPUNDƆƆ? OKOŊ, MI LA MULI NYUNALAŊ NDAŊ:

• 

  Vɛɛ naŋ bɛɛndiaŋ yɛ o nɛi Mɛlɛkaa choo le kpundɔɔ?

• 

  Le yɛɛ i cho yɛ suɛi sɔvɛ le . . .

  • • ma nɔ suukaŋ kɛndɔɔ a bɛnduaa kundaa tuupa mi kpundɔɔ del, a teleŋ kpundɔɔ, nduyɛ te kpundɔɔ chuu pɛ?

  • • ma dɔu nyɔɔŋ pum o bɔlɔɔ niŋ ma kɛsi le teleŋ kpundɔɔ?—g17.5-E

  • • ma tosa yaasiaa le sinaa kpundɛla nɔla mi la yɔŋnuŋ o tanda ŋ cho wo niŋndaŋ, nduyɛ ma sina nyɛ ŋ nɔ ma tosa o kpundɛ kɛ kɛ niŋndo?

• 

  Nɛila yaala kuɛɛ naŋ nɔla yɛ miŋ mala waŋnda te kpundɔɔ komal nda pɛ?