Baa a Cho Pa Baabui Nda Chua Diomndaŋndo Soliŋndo Kpeku Nyɛkɛndɛi?

Yɛɛ cho yɛ Baabui nda chua diomndaŋ ndo? Diomnda nda chua o New World Translation nda miŋgi kpɛlɛkiaa wo, cho Baabui nda chua diomndaŋ ndo ni. A cho ndu solioo o pɔm pɔmbɔ o sɔɔŋ maŋgalaŋ bɔɔbɔɔ niŋ. Nyɔɔ opilɛ a diomnda nda chua laŋ ndaŋ cho ni maa, ma soliŋ wanaa yɛ yiaa kpeku, le wanaa cho o Baabuiyo niŋnda tuulaa. Ma veelu diomndaŋ o nɛi bɛnda wo choo, le chɔmndo mɛɛ waŋndo sinaŋ yɛ a le sɔɔŋ kulloŋ kindilaa, nduyɛ mi yooŋgu cho o Baabuiyo niŋndo fula mɛɛ mɛɛ o cho yɛ.

Vɛɛ waŋnda apum cho yɛ tɔnɔɔ sɔlaa o Baabui nda chua hoo diomndaŋ ndo niŋ? Wanaa bɔɔbɔɔ yaŋ nilaŋ teleŋ o teleŋ o Baabui nda chua hoo diomndaŋ ndo niŋnda kaala ndu, kanifuule mbo tosa mi diom Mɛlɛkaa nɔ miiyo le nda. Ma sinaŋ maa tueiyɔɔ wanaa yɛ yiaa nda chua diomndaŋ o Baabuiyo niŋndo mala nda le ma che sɔɔŋ dimiŋ o Baabuiyo niŋndoŋ nduyɛ ma bii muŋ bila nyɛkɛndɛi. (Pulɔ 4:​5) Wanaa bɔɔbɔɔ saaluŋ vɛlɛ maa, nilaŋ yaŋɔɔ o diomnda nda chua o Baabuiyo niŋndaŋ dɛɛniaa nda kɔltaŋ te a wa pɛ o buulaŋndo niŋ.—Sam 94:​19.

Tueiyɔɔ Diomndaŋ veeloo choo choo o Diom Mɛlɛkaa niŋ nɔla mbo pilaŋ naa tau o yoomula naalaŋ niŋ. (2Ko 34:​19-21) Te o yɔŋ pɛ mi Baabui nda chua hoo diomnda ndo otiŋ ɔɔ kpou wa o suɛi maŋgalɛi ŋ bii bila ve niŋ, baa a nɔla pa ma siiŋguu Baabui nda chua hoo diomndaŋ ndo nilaŋ yaŋɔɔ nyɔɔ opilɛ o sɔɔŋ iMɛlɛkayaŋ ŋ tosa lɔɔlɔɔ woŋ niŋ?

LA TOFA VIDUEIYO HOO WALI TOSAŊ LE BAABUIYO DIOMNDAŊ CHUAA WO—BUŊGƐI PƆMBƆ, OKOŊ MI LA MULI NYUNAA HOO:

Yɛɛ pilaŋ yɛ num kɔllo a wali nda tosa le Baabui nda chua hoo diomnda ndo solioo?