Hiou Lachi a Tolɔɔ Kɛɛsiaa Ŋ Nɔ le Diomndaŋ Veeloo o Baabuiyo Niŋndo Kɔɔli

Le mɛɛ ŋ nɔ sɔɔŋ tau le tosaa yɛ, baa ma che ndi pa ikala le kɛɛsiaa ŋ nɔ le diomndaŋ veeloo o Baabuiyo niŋ lepaa o lepaa wo tolɔɔ kɔɔli? (Chs. 1:8) Te lende i cho ni, mɛɛ kindiŋ ma tol kɛɛsiaalaŋ ndaŋ opilɛ kɔɔli:

• Kindiŋ ma nɔ nyɛ mala num ma loonuŋ ndo. Kɛsi nyɛ loonuŋ num ndo o nyɛ num mapuuloo choo, le num loonɔŋndo le diomndaŋ veeloo o Baabuiyo niŋ.

• Kɛsi Baabui numndo o fondaŋ ŋ keleŋa ndu saalɔŋndo. Te o yɔŋ pɛ maa Baabui nda soli o pei choo wo ŋ veelu diomndaŋ ni, kɛsi ndu o fondaŋ ŋ tiuba ma che ndu lepaa o lepaa wo.—Ditɔ. 11:18.

• Yaŋ nilaŋ o diomnda nda chua laŋ. Wa nilaŋ yaŋɔɔ o diomnda nda chua laŋ, te a wa pɛ walta numndaŋ tosaa. Mi Tala, kala chua cho kɔɔfanɔɔ nduyɛ mbo tosa wallo ichɔllo dimi aa: “Te I wa pɛ walta nilaŋ tosaa mi yaŋ nilaŋ o diomnda nda chua laŋ, mi hei mala ya I bindu le diomndaŋ veeloo o Baabuiyo niŋ te.”

• Wu ŋdial te. Te bahawɛi ŋ cho kɔl te wo paaliaŋ pɛ kɛɛsiaa numndo, o yɔŋ bɛɛ nyɛɛmbɔ, veelu diomndaŋ o Baabuiyo niŋ tuupa ma lɔl. Te a wa pɛ hei tosaa lepaa o lepaa, a cho tɔnɔɔ sɔla tau.—1 Pit. 2:2.