BUŊGƐI WALII 5

Diomndaŋ Veeloo Nyɛkɛndɛi

Timoti Tasoo 4:13

SƆƆŊ KULLOŊ: Veelu diomndaŋ choo choo o nyɛ cho o poonyiaa o peeleŋ choo wo.

Toosiaŋ nyɛkɛndɛi. Kindiŋ ma sina le sabu nda poonyiaa yooŋgu koŋ ndo. Pɛɛku le diomndaŋ veeloo kunda, kɛ veelu laŋ la pilɛ pilɛŋ te. Handu nyɛ cheleŋ lechoo le, huulu diomndaŋ te, veelu nyɛ cheleŋ te. Pɛŋgi naa pɛŋgioo wa pɛ.

A wa pɛ diomndaŋ veeloo, dimul chaaŋ num mbo yaŋ num nilaŋ, okoŋ mbo chɔm num naa ŋ chiee veelu le wa.
Veelu diom o diom nyɛkɛndɛi. Te a sina mɛɛ wana veelu diomndo yɛ le, dimul wana cheleŋ mbo chɔm num, yaŋ nilaŋ o yaula naala nda chua diomndaŋ ndaŋ.
Soo walaŋ. Chua teleŋ numndo le diomndaŋ veeloo. Chua bolleŋ nduyɛ ma kumbi sondoo nyɛkɛndɛi. Wou sɛmbɔɔ le ma veelu diomndaŋ nyɛkɛndɛi.

Kindila chomul o chomul o diomndaŋ veeloo niŋ te. Te a tosa pɛ lende, nyɔɔ cho wanaa challa pala.