၁ ကွဲးနီၣ်တၢ်
၂၀ ဖဲနံၣ်စးထီၣ်သီသီ ဒီးစီၤပၤတဖၣ် ညီနုၢ်လဲၤဒုးတၢ် အဆၢကတီၢ် စီၤယိၤအာ်+ တီခိၣ်ရိၤမဲဝဲ သုးမုၢ် ဒီးလဲၤမၤဟးဂီၤ ပှၤဧၣ်မိၣ်ဖိ အဟီၣ်ကဝီၤလီၤ. စီၤယိၤအာ် လဲၤကဝီၤဃာ်ဝဲ ဝ့ၢ်ရးဘး+ မ့မ့ၢ် စီၤဒၤဝံးန့ၣ် အိၣ်တ့ၢ်ဝဲလၢ ဝ့ၢ်ယရူၤၡလ့ၣ်လီၤ.+ ဒီးစီၤယိၤအာ် ဒုးဝဲ ဝ့ၢ်ရးဘး ဒီးမၤလီၤပှီၢ်အီၤလီၤ.+ ၂ ဒီးစီၤဒၤဝံး ဟံးန့ၢ်ဝဲ မၤလက့ၣ်* အခိၣ်သလုး လၢအခိၣ်လိၤလီၤ. ခိၣ်သလုးအံၤ ဘၣ်တၢ်တ့အီၤလၢ ထူတတၤလၣ်* ဒီးလၢအပူၤန့ၣ် လၢၢ်လၢ အလုၢ်ဒိၣ်ပှ့ၤဒိၣ်တဖၣ် အိၣ်ဝဲလီၤ. ဒီးအဘၣ် တၢ်ဖျီၣ်ထီၣ်အီၤလၢ စီၤဒၤဝံး အခိၣ်လိၤလီၤ. စီၤဒၤဝံး ဟံးန့ၢ်ဝဲ တၢ်ဖိတၢ်လံၤ အါအါဂီၢ်ဂီၢ်လၢ ဝ့ၢ်အံၤအပူၤလီၤ.+ ၃ ဒီးအဝဲဖီၣ်န့ၢ် ပှၤလၢအအိၣ်လၢ ဝ့ၢ်ပူၤ ဒီးမၢအဝဲသ့ၣ်+ ဘူးတဲာ်လၢၢ် ဒီးမၤတၢ်လၢ တၢ်ပီးတၢ်လီထးလၢ အကနၣ်အ့ၣ်တဖၣ် ဒီးကွါတဖၣ်လီၤ. ပှၤလၢအအိၣ်လၢ ပှၤဧၣ်မိၣ်ဖိ အဝ့ၢ်ကိးဖျၢၣ်ဒဲးန့ၣ် စီၤဒၤဝံး မၤအဝဲသ့ၣ် ဒ်န့ၣ်လီၤ. လၢခံ စီၤဒၤဝံး ဒီးအသုးဖိခဲလၢာ် ဟဲက့ၤကဒါက့ၤလၢ ဝ့ၢ်ယရူၤၡလ့ၣ်လီၤ.
၄ လၢခံ တၢ်ဒုးတၢ်ယၤ အိၣ်ထီၣ်ဒီး ပှၤဖလ့ၡသးဖိ ဖဲဝ့ၢ်က့စ့ၢ်လီၤ. ဖဲန့ၣ်န့ၣ် ပှၤဃူၡသးဖိ စီၤစံၤဘကဲ+ ကျီသံကွံာ် စီၤစးဖဲၤ လၢအဟဲလီၤစၢၤလၢ ပှၤရၤဖၤဖိန့ၣ်လီၤ.+ အဃိ ပှၤဖလ့ၡသးဖိတဖၣ် ၡူကွံာ်ဝဲလီၤ.
၅ ဒီးတၢ်ဒုး အိၣ်ထီၣ်ကဒီး ဒီးပှၤဖလ့ၡသးဖိ ဒီးစီၤယၤအံၢ် အဖိခွါ စီၤအ့လဃၤနၣ် ကျီသံကွံာ် ပှၤကၤသးဖိ စီၤကၤလယး+ အဒီပုၢ်ဝဲၢ်ခွါ စီၤလၤဃမံလီၤ. စီၤလၤဃမံ အဘီန့ၣ် အိၣ်ဒီး အဘိလၢ အမၤအသးဒ် ထၣ်အတီတဘိ အသိးလီၤ.+
၆ တၢ်ဒုးကဲထီၣ်ကဒီးလၢ ဝ့ၢ်ကၤသး+ ဒီးဖဲန့ၣ်န့ၣ် ပှၤပိာ်ခွါလၢ အနီၢ်ဖးဒိၣ်ဖးထီ အိၣ်ဝဲတဂၤလီၤ.+ အစုမုၢ်စုနၢ အိၣ်ဝဲတကပၤ ၆ ဘိ, တကပၤ ၆ ဘိ ဒီးအခီၣ်မုၢ်ခီၣ်နၢ အိၣ်ဝဲ တကပၤ ၆ ဘိ, တကပၤ ၆ ဘိအဃိ ခဲလၢာ်ခဲဆ့န့ၣ် အိၣ်ဝဲ ၂၄ ဘိလီၤ. အဝဲစ့ၢ်ကီး ဟဲလီၤစၢၤလၢ ပှၤရၤဖၤဖိလီၤ.+ ၇ အဝဲဃ့ဘူၣ်*+ ပှၤအံၣ်စရ့လးဖိ တဘျီဝံၤတဘျီ အဃိ စီၤၡံမၤ+ အဖိခွါ စီၤယိနၤသၣ် ကျီသံကွံာ်အီၤလီၤ. စီၤၡံမၤမ့ၢ်ဝဲ စီၤဒၤဝံး အကၠီလီၤ.
၈ ပှၤတဖၣ်န့ၣ် ဟဲလီၤစၢၤလၢ ပှၤရၤဖၤဖိလၢ+ ဝ့ၢ်ကၤသး+ ဒီးအဝဲသ့ၣ်သံလၢ စီၤဒၤဝံး ဒီးအခ့အပှၤတဖၣ် အစုပူၤလီၤ.