လီၣ်ဖျါ

၁၄ ဒီးယထံၣ်ဘၣ် သိဖိ+ ဆၢထၢၣ်လၢ ကစၢၢ်စံယိၣ်အလိၤ+ ဒီးပှၤလၢအအိၣ်ဒီးအီၤန့ၣ် အိၣ်ဝဲအဂၤ တကလီၢ် လွံၢ်ကလး လွံၢ်ကထိ+ လၢအအိၣ်ဒီး သိဖိအမံၤ ဒီးအပၢ်အမံၤ+ အိၣ်ကွဲးအသးလၢ အဝဲသ့ၣ်အမဲာ်တူၢ်ခိၣ်လီၤ. ၂ ဒီးယနၢ်ဟူ တၢ်အသီၣ်ဟဲလၢမူခိၣ် ဒ်ထံအါအါဂီၢ်ဂီၢ် သီၣ်ဝဲအသိး ဒီးဒ်လီသီၣ်ဖးဒိၣ် အသိးလီၤ. ဒီးတၢ်အသီၣ်လၢ ယနၢ်ဟူအီၤအံၤ လီၤဂာ်ဒီး ပှၤသးဝံၣ်တၢ်တဖၣ်အကလုၢ် ဖဲအဝဲသ့ၣ် ဒ့အတနၢ်တဖၣ် အခါန့ၣ်လီၤ. ၃ ဒီးအဝဲသ့ၣ်သးဝံၣ် တၢ်လၢအလီၤဂာ်ဒ် တၢ်သးဝံၣ်အသီတယုၢ်လၢ+ လီၢ်ပစိာ်အမဲာ်ညါ, ဒီးလၢခ့ရူာ်လွံၢ်ဂၤ+ ဒီးပှၤသူၣ်က့သးပှၢ်တဖၣ် အမဲာ်ညါလီၤ.+ ဒီးတၢ်သးဝံၣ်တယုၢ်အံၤ ပှၤမၤလိဝဲတသ့ နီတဂၤဘၣ်, သ့ဒၣ်ထဲပှၤ တကလီၢ် လွံၢ်ကလး လွံၢ်ကထိ+ လၢအဘၣ် တၢ်ပှ့ၤက့ၤအီၤလၢ ဟီၣ်ခိၣ်ချၢလီၤ. ၄ ပှၤတဖၣ်အံၤ မ့ၢ်ပှၤလၢ အတမၤဘၣ်အၢအသးဒီး ပိာ်မုၣ်ဘၣ်. ဒီးအနီၢ်ကီၢ်န့ၣ် အဝဲသ့ၣ် မ့ၢ်ဝဲဒ်သိးဒီး မုၣ်ကနီၤ စီဆှံတဖၣ်လီၤ.+ အဝဲသ့ၣ်မ့ၢ် ပှၤလၢအဆဲးပိာ်ဝဲ သိဖိအခံ ဖဲသိဖိလဲၤဝဲ တပူၤဂ့ၤ တပူၤဂ့ၤလီၤ.+ အဝဲသ့ၣ်တဖၣ်န့ၣ် ဘၣ်တၢ်ပှ့ၤအီၤလၢ+ ပှၤဟီၣ်ခိၣ်ဖိတဖၣ်အကျါ ဒ်တၤသၣ်ဆိတဖၣ်လၢ+ ကစၢ်ယွၤဒီး သိဖိအဂီၢ်လီၤ. ၅ ဒီးတၢ်တထံၣ်န့ၢ် တၢ်လီတၢ်ဝ့ၤလၢ အဝဲသ့ၣ် အထးခိၣ်ဘၣ် ဒီးအဝဲသ့ၣ်န့ၣ် အတၢ်လီၤတူာ်လီၤကာ် တအိၣ်ဘၣ်.+

၆ ဒီးယထံၣ်ဘၣ် မူခိၣ်ကလူးလၢအဂၤတဂၤ ယူၤဝဲလၢတၢ်ဖးဖီ ဒီးအဝဲအိၣ်ဒီး တၢ်သးခုကစီၣ်အထူအယိာ် ဒ်သိးကစံၣ်တဲၤတဲလီၤ ပှၤလၢအအိၣ်လၢဟီၣ်ခိၣ်ချၢ လၢအမ့ၢ် ပှၤကိးကလုာ်ဒဲး, ကလုာ်ဒူၣ်ကိးဒူၣ်ဒဲး, ပှၤတဲတၢ်အကျိာ်ကိးကျိာ်ဒဲး ဒီးပှၤကိးဒူၣ်ဒဲးလီၤ.+ ၇ ဒီးအဝဲတဲဝဲလၢ အကလုၢ်ဖးဒိၣ်လၢ “ပျံၤကစၢ်ယွၤ ဒီးဟ့ၣ်အီၤ တၢ်လၤကပီၤတက့ၢ်. အဝဲကစံၣ်ညီၣ်တၢ် အနၣ်ရံၣ်ဘၣ်လံ.+ အဃိ ဘူၣ်ထီၣ်ဘါထီၣ် တၢ်ဘၣ်တ့ကစၢ်လၢ အတ့လီၤမူခိၣ်, ဟီၣ်ခိၣ်, ပီၣ်လဲၣ်+ ဒီးထံထီၣ်ပၢၢ်တဖၣ်န့ၣ်တက့ၢ်.”

၈ ဝံၤဒီးမူခိၣ်ကလူးခံဂၤတဂၤ ဟဲထီၣ်တဲဝဲလၢ “ဘၤဘူၤလိၣ်ဖးဒိၣ်+ လီၤပှီၢ်လံ,+ အဝဲလီၤပှီၢ်လံ. အဝဲ မ့ၢ်ပှၤလၢအမၢဆူၣ် ပှၤကိးကလုာ်ဒဲး ဒ်သိးကအီဝဲ တၢ်သးကတၢ အစပံးထံ လၢအဘၣ်ဃးဒီး အတၢ်မၤ ကမၣ်မုၣ်ကမၣ်ခွါလီၤ.”*+

၉ ဝံၤဒီး မူခိၣ်ကလူး သၢဂၤတဂၤ ဟဲထီၣ်တဲဝဲလၢ အကလုၢ်ဖးဒိၣ်လၢ “ပှၤမ့ၢ်ဘူၣ်ထီၣ်ဘါထီၣ် ဆၣ်ဖိကီၢ်ဖိလၢ အအၢတဒု+ ဒီးအဂီၤ ဒီးဒိးန့ၢ်ဘၣ် တၢ်ပနီၣ်လၢ အမဲာ်တူၢ်ခိၣ် မ့တမ့ၢ် လၢအစုန့ၣ်+ ၁၀ အဝဲသ့ၣ်စ့ၢ်ကီး ကအီဝဲ ကစၢ်ယွၤ အတၢ်သးဒိၣ်ထီၣ် အစပံးထံလီၤ. စပံးထံအံၤ တဃါဃုာ်အသးဒီး တၢ်နီတမံၤဘၣ် ဒီးကစၢ်ယွၤ ကလူလီၤအီၤလၢ အတၢ်သးဒိၣ်ထီၣ်အခွးပူၤ+ ဒီးအဝဲသ့ၣ် ကဘၣ် တၢ်မၤနးမၤဖှီၣ်အီၤလၢ မ့ၣ်အူဒီးကး*+ လၢမူခိၣ်ကလူးစီဆှံတဖၣ် အမဲာ်ညါ ဒီးသိဖိအမဲာ်ညါလီၤ. ၁၁ တၢ်မၤနးမၤဖှီၣ်အဝဲသ့ၣ်န့ၣ် အခုၣ်ဟဲထီၣ်ဝဲ လီၤထူလီၤယိာ်လီၤ.+ ဒီးပှၤတဖၣ်အံၤလၢ အဘူၣ်ထီၣ်ဘါထီၣ် ဆၣ်ဖိကီၢ်ဖိလၢ အအၢတဒု ဒီးအဂီၤ ဒီးဒိးန့ၢ်ဘၣ် တၢ်ပနီၣ် ဘၣ်ဃးဒီးအမံၤန့ၣ်+ လၢမုၢ်ဆါမ့ၢ်ဂ့ၤ, လၢမုၢ်နၤမ့ၢ်ဂ့ၤ တၢ်အိၣ်ဘှံးလၢ အဝဲသ့ၣ်အဂီၢ် တအိၣ်ဘၣ်. ၁၂ လၢတၢ်ဂ့ၢ်အံၤအဃိ ပှၤစီဆှံတဖၣ်လၢ+ အမၤထွဲကစၢ်ယွၤ အတၢ်မၤလိာ်တဖၣ် ဒီးအိၣ်မူမၤထွဲဒ် အတၢ်နာ်ယ့ၣ်ၡူး အိၣ်ဝဲအသိးန့ၣ်+ လိၣ်ဘၣ်တၢ်တူၢ်န့ၢ်ခီၣ်ကဲလီၤ.”

၁၃ ဒီးယနၢ်ဟူ တၢ်ကလုၢ်သီၣ်လၢမူခိၣ် တဲဝဲလၢ “ကွဲးလီၤတက့ၢ်. စးထီၣ်လၢ ဆၢကတီၢ်ခဲအံၤ ဒီးခါဆူညါ ကစၢ်အပျဲၢ်အဘီၣ်* လၢအသံန့ၣ် ကသးခုဝဲလီၤ.+ သးစီဆှံတဲဝဲလၢ မ့ၢ်လံ, မ့ၢ်လၢ တၢ်လၢအဝဲသ့ၣ်မၤတ့ၢ်တဖၣ်န့ၣ် ကစၢ်ယွၤ တသးပ့ၤနီၣ်ကွံာ်အီၤဘၣ်* အဃိ မ်အဝဲသ့ၣ် အိၣ်ဘှံးလၢ အတၢ်ဖံးတၢ်မၤန့ၣ်တက့ၢ်.”

၁၄ ကွၢ်မီၤ, ယထံၣ် တၢ်အၢၣ်ဝါဝါတလိၣ် ဒီးပှၤလၢအဆ့ၣ်နီၤလၢ တၢ်အၢၣ်အလိၤတဂၤန့ၣ် လီၤဂာ်ဒီး ပှၤကညီဖိခွါလီၤ.+ လၢအခိၣ်လိၤန့ၣ် အိၣ်ဒီးခိၣ်သလုးထူ ဒီးလၢအစုပူၤန့ၣ် အိၣ်ဒီးထါဂဲာ်လၢ အကနၣ်အ့ၣ်တဘ့ၣ်လီၤ.

၁၅ ဒီးမူခိၣ်ကလူးအဂၤတဂၤ ဟဲထီၣ်လၢတၢ်လုၢ်ဟံၣ် အတၢ်စီဆှံအလီၢ် ဒီးကိးပသူထီၣ်လၢ အကလုၢ်ဖးဒိၣ်ဆူ ပှၤတဂၤလၢအဆ့ၣ်နီၤလၢ တၢ်အၢၣ်အလိၤအအိၣ်လၢ “ဟီၣ်ခိၣ်အဘုန့ၣ် ဘီထီၣ်ဂ့ၤဂ့ၤလံ.+ အဃိ ကူးတၢ်အနၣ်ရံၣ်ဘၣ်လံ. သူနထါဂဲာ်ဒီးကူးတၢ်တက့ၢ်.” ၁၆ ဒီးပှၤတဂၤလၢ အဆ့ၣ်နီၤလၢ တၢ်အၢၣ်အလိၤန့ၣ် သူဝဲအထါဂဲာ်လၢ ဟီၣ်ခိၣ်ချၢ ဒီးကူးဝဲဟီၣ်ခိၣ်အဘုလီၤ.

၁၇ ဒီးမူခိၣ်ကလူး အဂၤတဂၤ လၢအအိၣ်စ့ၢ်ကီးဒီး ထါဂဲာ်လၢအကနၣ်အ့ၣ်တဘ့ၣ်န့ၣ် ဟဲထီၣ်လၢ တၢ်လုၢ်ဟံၣ်အတၢ်စီဆှံအလီၢ် လၢအအိၣ်လၢမူခိၣ်လီၤ.

၁၈ ဒီးမူခိၣ်ကလူး အဂၤတဂၤ ဟဲထီၣ်လၢတၢ်လုၢ်လီၢ် ဒီးအအိၣ်ဒီး တၢ်စိတၢ်ကမီၤလၢ မ့ၣ်အူအဖီခိၣ်လီၤ. အဝဲကိးပသူထီၣ်လၢ အကလုၢ်ဖးဒိၣ် ဆူပှၤလၢ အအိၣ်ဒီး ထါဂဲာ်လၢအကနၣ်အ့ၣ်အအိၣ် ဒီးတဲဝဲလၢ “ဟီၣ်ခိၣ် အစပံးသၣ်တဖၣ် မံထီၣ်လံအဃိ+ သူနထါဂဲာ်လၢ အကနၣ်အ့ၣ် ဒီးပာ်ဖှိၣ် ဟီၣ်ခိၣ် အစပံးသၣ်အချုၣ်တဖၣ်တက့ၢ်.” ၁၉ မူခိၣ်ကလူးန့ၣ် သူဝဲအထါဂဲာ်လၢ ဟီၣ်ခိၣ်ချၢ ဒီးကူးဝဲ ဟီၣ်ခိၣ် အစပံးမုၢ် ဒီးကွံာ်လီၤဝဲလၢ စပံးထံအကျိးဖးဒိၣ်အပူၤ လၢအအဲၣ်ဒိးတဲဝဲ ကစၢ်ယွၤအတၢ်သးဒိၣ်ထီၣ်လီၤ.+ ၂၀ ဒီးကသ့ၣ်တဖၣ်န့ၣ် ယီၢ်ဝဲစပံးသၣ်တဖၣ်လၢ ဝ့ၢ်အချၢ ဒီးတၢ်သွံၣ်ဟဲဖျိးထီၣ်လၢ စပံးထံအကျိးချၢန့ၣ် အကစီၤထီဝဲ တုၤလၢ ကသ့ၣ်အထးခိၣ် ဒီးအဒ့ၣ်စၢၤအိၣ် အမံးလာ် ၂၀၀ ဃၣ်ဃၣ်လီၤ.*