ဧ့ၤဘြံၤ

၉ မ့မ့ၢ် တၢ်အၢၣ်လီၤအီလီၤ လၢညါတခါန့ၣ် အိၣ်ဒီးတၢ်သိၣ်တၢ်သီတဖၣ် လၢတၢ်မၤစီဆှံအဂီၢ် ဒီးအိၣ်ဒီးဒဲစီဆှံလၢ+ ဟီၣ်ခိၣ်ချၢလီၤ. ၂ ဒီးဒၢးအဆိကတၢၢ်တတီၤ လၢအဘၣ်တၢ်တ့ထီၣ်အီၤ လၢဒဲပူၤန့ၣ် တၢ်ကိးအီၤလၢ တၢ်လီၢ်စီဆှံလီၤ.+ ဖဲန့ၣ်အိၣ်ဝဲဒီး မ့ၣ်အူဒၢ,+ စီၢ်နီၤခိၣ် ဒီးကိၣ်လၢ တၢ်လုၢ်ထီၣ်တၢ်အဂီၢ်လီၤ.+ ၃ ဘၣ်ဆၣ် ဒၢးတဖျၢၣ်လၢ ယၣ်ဘျးသဒၢ ခံဘ့ၣ်တဘ့ၣ်+ အလီၢ်ခံန့ၣ် ဘၣ်တၢ်ကိးအီၤလၢ တၢ်လီၢ်စီဆှံကတၢၢ်လီၤ.+ ၄ ဖဲန့ၣ်အိၣ်ဝဲဒီး တၢ်ဒွဲၣ်ထီၣ်တၢ်နၢမူ အဒၢထူ+ ဒီးတၢ်အၢၣ်လီၤအီလီၤ အတလါစီဆှံလၢ+ အဘၣ်တၢ်ကျးအီၤဒီး ထူကဘျၣ်ဒီဖျၢၣ်လီၤ.+ ဒီးလၢတလါစီဆှံအပူၤန့ၣ် အိၣ်ဒီးကိထူတဖျၢၣ်လၢ ကိၣ်မၤနၤအိၣ်လၢအပူၤ+ ဒီးစီၤအၤဟရိၣ် အနီၣ်ထိးဘိလၢအဒိးထီၣ်+ ဒီးတၢ်အၢၣ်လီၤအီလီၤ အလၢၢ်ဘ့ၣ်ဘၣ်တဖၣ်လီၤ.+ ၅ ဒီးခ့ရူာ်လၢအပှဲၤဒီး တၢ်လၤကပီၤတဖၣ် အိၣ်ဝဲလၢ တလါအံၤအဖီခိၣ် ဒီးအကဒုလီၤဘၣ်လၢ တၢ်မၤဃူမၤဖိးတၢ် အခိၣ်ကျးအလိၤလီၤ.+ ဘၣ်ဆၣ် ခဲအံၤန့ၣ် တမ့ၢ်တၢ်ဆၢကတီၢ်လၢ ပကတဲဖျါထီၣ် တၢ်ဂ့ၢ်တဖၣ်အံၤ လီၤတံၢ်လီၤဆဲးဘၣ်.

၆ တၢ်သ့ၣ်တဖၣ်န့ၣ် ဘၣ်တၢ်တ့အီၤဒ်အံၤ ဝံၤအလီၢ်ခံ ပှၤလုၢ်တၢ်ဒိၣ်တဖၣ် လဲၤနုာ်လီၤဝဲလၢ ဒၢးအဆိကတၢၢ်တတီၤအပူၤထီဘိ ဒ်သိး ကမၤဝဲ တၢ်မၤစီဆှံအဂီၢ်လီၤ.+ ၇ ဘၣ်ဆၣ် မ့မ့ၢ် လၢဒၢးခံတီၤတတီၤအပူၤန့ၣ် ပှၤလုၢ်တၢ်ခိၣ် အဒိၣ်ကတၢၢ် လဲၤနုာ်လီၤဝဲ ထဲတဂၤ တနံၣ်တသီ+ ဒီးအကဘၣ် လဲၤစိာ်ဃုာ်ဒီးတၢ်သွံၣ်+ ဒ်သိးအကလုၢ်ထီၣ်တၢ်လၢ အနီၢ်ကစၢ်အဂီၢ်+ ဒီးလၢတၢ်ဒဲးဘးလၢ ပှၤမၤဘၣ်ဝဲလၢ+ တၢ်တပာ်သူၣ်ပာ်သးအပူၤအဂီၢ်လီၤ. ၈ လၢတၢ်န့ၣ်အဃိ သးစီဆှံ ပာ်ဖျါထီၣ်ဝဲလၢ ဖဲဒဲအဆိကတၢၢ်တဖျၢၣ် အိၣ်ဒံးအခါ ကျဲတအိးဟိထီၣ်လၢ ပှၤကနုာ်လီၤလၢ တၢ်စီဆှံအလီၢ်ဒံးဘၣ်.+ ၉ ဒဲအံၤ မ့ၢ်တၢ်အဒိအတဲာ်လၢ ဆၢကတီၢ်ခဲအံၤအဂီၢ်လီၤ.+ ဒီးဒ်တၢ်ရဲၣ်တၢ်ကျဲၤအံၤ အိၣ်ဝဲအသိး တၢ်ဟ့ၣ်ဒီး တၢ်လုၢ်တၢ်ပာ်တဖၣ် ဘၣ်တၢ်ဟ့ၣ်လုၢ်ထီၣ်အီၤလီၤ.+ ဘၣ်ဆၣ် တၢ်သ့ၣ်တဖၣ်န့ၣ် မၤကဆှီထီၣ် ပှၤတဂၤလၢ အဘူၣ်ထီၣ်ဘါထီၣ် ကစၢ်ယွၤန့ၣ်* အသးလၢအသ့ၣ်ညါဒၣ်တၢ် လၢလၢပှဲၤပှဲၤတသ့ဘၣ်.+ ၁၀ တၢ်ဟ့ၣ် ဒီးတၢ်လုၢ်တၢ်ပာ်တဖၣ်အံၤ ဘၣ်ထွဲလိာ်သးထဲ တၢ်အီၣ်, တၢ်အီ ဒီးတၢ်မၤကဆှီထီၣ် အလုၢ်အလၢ် အကလုာ်ကလုာ်လီၤ.+ ဒီးမ့ၢ်ဒၣ် တၢ်သိၣ်တၢ်သီတဖၣ်လၢ အဘၣ်ထွဲဒီး နီၢ်ခိတခီ+ ဒီးပှၤဘၣ်မၤထွဲအီၤ တုၤလၢတၢ်ဆၢကတီၢ်လၢ တၢ်ကမၤဘၣ်ထီၣ်က့ၤတၢ် ဘၣ်ဝဲအခါလီၤ.

၁၁ ခရံာ်ဟဲဒ် ပှၤလုၢ်တၢ်ခိၣ် အဒိၣ်ကတၢၢ်တဂၤ ဒ်သိးအကဒုးအိၣ်ထီၣ် တၢ်ဂ့ၤလၢ အအိၣ်ဒီးပှၤခဲအံၤ ဒီးအဝဲလဲၤနုာ်လီၤဝဲလၢ ဒဲလၢအဂ့ၤဒိၣ် ဒီးလၢအလၢပှဲၤဒိၣ်ဝဲလီၤ. ဒဲအံၤတမ့ၢ်တၢ်ဘၣ်တ့ လၢဟီၣ်ခိၣ်အံၤဘၣ်. ဒီးတမ့ၢ်လၢ ပှၤဟီၣ်ခိၣ်ဖိတ့အီၤလၢ အစုဘၣ်. ၁၂ အဝဲလဲၤနုာ်လီၤလၢ တၢ်စီဆှံအလီၢ် ဘၣ်ဆၣ် အတလဲၤစိာ်မဲာ်တဲးလဲး ဒီးကျီၢ်ဖါဖိတဖၣ် အသွံၣ်ဘၣ်. အလဲၤစိာ်ဝဲ အနီၢ်ကစၢ်အသွံၣ်+ ထဲတဘျီ ဒီးမၤပူၤဖျဲးပှၤ လီၤထူလီၤယိာ်လီၤ.+ ၁၃ မဲာ်တဲးလဲးဒီးကျီၢ်ဖါအသွံၣ်+ ဒီးကျီၢ်မိၢ်အဖၣ်ဆါလၢ ပှၤဖှံလီၤအီၤလၢ ပှၤလၢ အတကဆှီဘၣ်တဖၣ်အလိၤန့ၣ် မၤစီဆှံထီၣ် အဝဲသ့ၣ် အဖံးအညၣ်လၢ ကစၢ်ယွၤ အမဲာ်ညါလီၤ.+ ၁၄ ဘၣ်ဆၣ် ခရံာ်အသွံၣ်န့ၣ်+ အလုၢ်ဒိၣ်ပှ့ၤဒိၣ်န့ၢ်အန့ၣ် စၢၢ်တလၢၢ်လီၤ. ဒီးခီဖျိ သးစီဆှံလၢ အအိၣ်ဝဲ လီၤထူလီၤယိာ် အတၢ်ဟံးစုနဲၣ်ကျဲအဃိ အဝဲဟ့ၣ်လုၢ်ထီၣ် အနီၢ်ကစၢ်လၢ အတအိၣ်ဒီး တၢ်လီၤတူာ်လီၤကာ်ဘၣ်လၢ ကစၢ်ယွၤအအိၣ်လီၤ. ခရံာ်အသွံၣ်န့ၣ် မၤကဆှီထီၣ် ပသးလၢ အသ့ၣ်ညါဒၣ်တၢ် လၢတၢ်အၢလၢပမၤလၢ အပူၤကွံာ်တဖၣ်*+ ဒ်သိးပကဘူၣ်ထီၣ်ဘါထီၣ် ကစၢ်ယွၤလၢ အမူဝဲတဂၤအဂီၢ်လီၤ.+

၁၅ အဃိ အဝဲမ့ၢ်ပှၤလၢ အမၤစၢၤတၢ်လၢ ပှၤခံခီအဘၢၣ်စၢၤ လၢအဘၣ်ဃးဒီး တၢ်အၢၣ်လီၤအီလီၤအသီ+ ဒ်သိးပှၤလၢအဘၣ် တၢ်ကိးအီၤတဖၣ်န့ၣ် ကဒိးန့ၢ်ဘၣ် တၢ်စံးပာ်လၢအမ့ၢ် တၢ်န့ၢ်သါလီၤထူလီၤယိာ်လီၤ.+ တၢ်ကဲထီၣ်အသးဒ်အံၤ သ့ခီဖျိလၢ အဝဲသံဝဲဒ် တၢ်ပှ့ၤက့ၤအသိး+ လၢအဝဲသ့ၣ် ကထူၣ်ဖျဲးထီၣ်ကွံာ်လၢ တၢ်ကမၣ်လၢ အမၤဝဲဖဲ အဝဲသ့ၣ်အိၣ်လၢ တၢ်အၢၣ်လီၤအီလီၤ လၢညါတခါ အဖီလာ်လီၤ. ၁၆ ပှၤဟီၣ်ခိၣ်ဖိတဂၤ မ့ၢ်မၤတၢ်အၢၣ်လီၤအီလီၤ ဒီးကစၢ်ယွၤန့ၣ် ပှၤလၢအမၤ တၢ်အၢၣ်လီၤအီလီၤတဂၤန့ၣ် ကဘၣ်သံဝဲ, ၁၇ မ့ၢ်လၢ တၢ်အၢၣ်လီၤအီလီၤန့ၣ် တၢ်ပာ်ဂၢၢ်ပာ်ကျၢၤအီၤ ဖဲပှၤတဂၤသံဝဲအခါလီၤ. ဖဲပှၤဟီၣ်ခိၣ်ဖိ လၢအမၤ တၢ်အၢၣ်လီၤအီလီၤတဂၤ မူဒံးဝဲအဆၢကတီၢ်န့ၣ် တၢ်အၢၣ်လီၤအီလီၤအံၤ တဘၣ် တၢ်ပာ်ဂၢၢ်ပာ်ကျၢၤအီၤဒံးဘၣ်. ၁၈ အဃိ တၢ်သွံၣ် မ့ၢ်တပၣ်ဘၣ်န့ၣ် တၢ်အၢၣ်လီၤအီလီၤ လၢညါတခါစ့ၢ်ကီး တဘၣ် တၢ်ပာ်ဂၢၢ်ပာ်ကျၢၤအီၤဘၣ်. ၁၉ စီၤမိၤၡ့ တဲဘၣ်ပှၤခဲလၢာ်လၢ တၢ်မၤလိာ်ကိးခါဒဲးလၢ တၢ်သိၣ်တၢ်သီအပူၤဝံၤဒီး အဝဲဟံးန့ၢ် ကျီၢ်ဖါဖိ ဒီးမဲာ်တဲးလဲးတဖၣ် အသွံၣ် ဃုာ်ဒီးထံ, သိအဆူၣ်ဂီၤ, သ့ၣ်ကဖျီၣ်အ့စိး ဒီးဖှံလီၤဝဲလၢ လံာ်ထူဒီးပှၤဂီၢ်မုၢ်ခဲလၢာ်အလိၤလီၤ. ၂၀ ဒီးအတဲဝဲလၢ “အဝဲအံၤ မ့ၢ်ဝဲ တၢ်သွံၣ်လၢအဘၣ်ဃးဒီး တၢ်အၢၣ်လီၤအီလီၤလၢ ကစၢ်ယွၤ မၤလိာ်သုလၢ သုကဘၣ် မၤလၢပှဲၤအီၤလီၤ.”+ ၂၁ ဒ်န့ၣ်အသိး အဝဲဖှံလီၤဝဲ တၢ်သွံၣ်လၢ ဒဲစီဆှံ ဒီးတၢ်ဖိတၢ်လံၤခဲလၢာ် လၢပှၤသူအီၤလၢ တၢ်ဘူၣ်ထီၣ်ဘါထီၣ်တၢ်အဂီၢ်န့ၣ် အလိၤလီၤ.+ ၂၂ မ့ၢ်လီၤ, ဒ်စီၤမိၤၡ့ အတၢ်သိၣ်တၢ်သီ အိၣ်ဝဲအသိး တၢ်ခဲလၢာ်ဃၣ်ဃၣ်န့ၣ် ကဆှီထီၣ်ဝဲသ့ ခီဖျိလၢတၢ်သွံၣ်လီၤ.+ တၢ်မ့ၢ်တလူလီၤ တၢ်သွံၣ်ဘၣ်န့ၣ် ကစၢ်ယွၤပျၢ်ကွံာ်တၢ်ဒဲးဘး တသ့ဘၣ်.+

၂၃ အဃိ တၢ်အဒိတဖၣ်+ လၢအပာ်ဖျါထီၣ် တၢ်အိၣ်လၢမူခိၣ်န့ၣ် ဘၣ်တၢ်မၤကဆှီထီၣ်အီၤ+ ခီဖျိလၢ ဆၣ်ဖိကီၢ်ဖိ အတၢ်လုၢ်တၢ်ပာ်တဖၣ်လီၤ. မ့မ့ၢ် တၢ်လၢ အဘၣ်ဃးဒီးမူခိၣ်န့ၣ် လိၣ်ဘၣ်တၢ်လုၢ်တၢ်ပာ် လၢအဂ့ၤန့ၢ်အန့ၣ် စၢၢ်တလၢၢ်လီၤ. ၂၄ ခရံာ်တလဲၤနုာ်လီၤဘၣ်လၢ တၢ်စီဆှံအလီၢ်လၢ ပှၤတ့ထီၣ်လၢပှၤစု+ လၢအမ့ၢ် တၢ်အဒိလၢ တၢ်စီဆှံအလီၢ် နီၢ်ကီၢ်တခါအဂီၢ်ဘၣ်.+ အလဲၤနုာ်ဝဲလၢမူခိၣ်+ ဒ်သိးအကအိၣ်ဖျါထီၣ်လၢ ကစၢ်ယွၤအမဲာ်ညါ လၢပဂီၢ်လီၤ.+ ၂၅ ဘၣ်ဆၣ် အဝဲတလိၣ်ဟ့ၣ်လုၢ်ထီၣ်အသး အါဘျီဒ် ပှၤလုၢ်တၢ်ခိၣ် အဒိၣ်ကတၢၢ်လၢ အဟံးန့ၢ် ဆၣ်ဖိကီၢ်ဖိအသွံၣ် ဒီးလဲၤနုာ်လီၤဝဲလၢ တၢ်စီဆှံအလီၢ် တနံၣ်ဘၣ်တနံၣ်+ အသိးန့ၣ်ဘၣ်. ၂၆ အမ့ၢ်ဘၣ်မၤဝဲဒ်န့ၣ်န့ၣ် စးထီၣ်ဖဲတချုး ပှၤဟီၣ်ခိၣ်ဖိ အိၣ်ဖျဲၣ်ထီၣ်လၢ ဟီၣ်ခိၣ်ချၢဒံးဘၣ် လံၤလံၤန့ၣ်* အဝဲကဘၣ်တူၢ်တၢ် ခဲအံၤခဲအံၤလီၤ. ဘၣ်ဆၣ် ခဲအံၤ ဖဲတၢ်အစိၤလၢ အလီၢ်ခံကတၢၢ်အံၤန့ၣ် အဝဲပာ်ဖျါထီၣ်အသး ထဲတဘျီ ဒ်သိးအကမၤလီၤမၢ်ကွံာ် တၢ်ဒဲးဘး ခီဖျိလၢ အတၢ်ဟ့ၣ်လုၢ်ထီၣ်အသးလီၤ.+ ၂၇ ဒီးပှၤဟီၣ်ခိၣ်ဖိခဲလၢာ် သံဝဲထဲတဘျီ ဒီးလၢခံ တၢ်စံၣ်ညီၣ် ကအိၣ်ဝဲလီၤ. ၂၈ ဒ်န့ၣ်အသိး တၢ်ဟ့ၣ်လုၢ်ထီၣ်ခရံာ် ထဲတဘျီ ဒ်သိးကဟံးထီၣ်ကွံာ် ပှၤအါဂၤအတၢ်ဒဲးဘးအဂီၢ်လီၤ.+ ဒီးဖဲအဝဲအိၣ်ဖျါထီၣ် ခံဘျီတဘျီန့ၣ် တမ့ၢ်လၢ အကမၤဘၣ်ဃးအသးဒီး တၢ်ဒဲးဘးဘၣ်. ဒီးပှၤလၢအခိးကွၢ်လၢ်အီၤလၢ တၢ်သးဆူၣ်အပူၤ ဒ်သိးကန့ၢ်ဘၣ် တၢ်အုၣ်က့ၤခီၣ်က့ၤအဂီၢ်န့ၣ် ကထံၣ်အီၤလီၤ.+