ပှၤလၢအလဲၤခီဖျိ မုၢ်နံၤခံကတၢၢ်န့ၣ် ကအိၣ်မူဘၣ်လၢပၤရဒံစူးအပူၤလီၤ
လံာ်စီဆှံတဲဝဲဒ်လဲၣ်
မ့ၢ်ပအိၣ်မူဘၣ်လၢ “မုၢ်နံၤအခံကတၢၢ်” ဧါ
နကစံးဆၢဒ်လဲၣ်
မ့ၢ်
တမ့ၢ်ဘၣ်
ဘၣ်သ့ၣ်သ့ၣ်
လံာ်စီဆှံတဲဝဲဒ်လဲၣ်
“လၢမုၢ်နံၤအခံကတၢၢ်တဖၣ်အပူၤန့ၣ်, အဆၢအကတီၢ်လၢ အကီအခဲကဘၣ်လီၤ.” (၂ တံၤမသ့း ၃:၁) ပမ့ၢ်ထိၣ်သတြီၤ လံာ်စီဆှံအတၢ်စံးပာ်ဒီး တၢ်မၤအသးလၢ မုၢ်မဆါတနံၤအံၤန့ၣ် ပသ့ၣ်ညါဘၣ်လၢ ပအိၣ်မူဘၣ်လၢ “မုၢ်နံၤအခံကတၢၢ်” အတီၢ်ပူၤလီၤ.
ပမၤလိအါထီၣ်တၢ်ဂ့ၢ်အဂၤလၢ လံာ်စီဆှံအပူၤကသ့ဒံးဧါ
မုၢ်နံၤခံကတၢၢ် အတၢ်ပနီၣ်န့ၣ် မ့ၢ်ဝဲတၢ်ဒုးတၢ်ယၤ, တၢ်သၣ်ဝံၤလီၤဒိ, ဟီၣ်ခိၣ်ဟူး ဒီးတၢ်ဆါသံသတြိာ်လီၤ.—မးသဲ ၂၄:၃, ၇; လူၤကၣ် ၂၁:၁၁.
ဖဲမုၢ်နံၤခံကတၢၢ်အဆၢကတီၢ်အံၤ ပှၤအါဂၤအလုၢ်လၢ်သကဲာ်ပဝးအၢထီၣ်သီထီၣ်လီၤ.—၂ တံၤမသ့း ၃:၂-၅.
ခါဆူညါတၢ်ကမၤအသးဒီး ပှၤဟီၣ်ခိၣ်ဖိဒ်လဲၣ်
ပှၤတနီၤနီၤနာ်ဝဲလၢ . . . မုၢ်နံၤခံကတၢၢ်န့ၣ် ကကတၢၢ်ကွံာ်ဝဲဖဲ ဟီၣ်ခိၣ်ဒီးကယဲၢ်ပှၤဟီၣ်ခိၣ်ဖိခဲလၢာ် ကဘၣ်တၢ်မၤဟးဂီၤကွံာ်အီၤအခါန့ၣ်လီၤ. မ့မ့ၢ်ပှၤဂၤတဖၣ်န့ၣ် မုၢ်လၢ်ဝဲလၢ ဟီၣ်ခိၣ်အတၢ်အိၣ်သးကဂ့ၤထီၣ်ဝဲလီၤ.မ့မ့ၢ်နၤန့ၣ် နဆိကမိၣ်ဒ်လဲၣ်.
လံာ်စီဆှံတဲဝဲဒ်လဲၣ်
“ပှၤတီပှၤလိၤန့ၢ်ဘၣ်သါထံဧိၤကီၢ်ဧိၤ, ဒီးအိၣ်ဝဲဆိးဝဲလီၤစိၤလီၤထီလီၤ.”—စံးထီၣ်ပတြၢၤ ၃၇:၂၉.
ပမၤလိအါထီၣ်တၢ်ဂ့ၢ်အဂၤလၢ လံာ်စီဆှံအပူၤကသ့ဒံးဧါ
မုၢ်နံၤခံကတၢၢ် ကကတၢၢ်ကွံာ်ဝဲဖဲ ကစၢ်ယွၤမၤလီၤမၢ်ကွံာ် တၢ်အၢတၢ်သီခဲလၢာ် အဆၢကတီၢ်န့ၣ်လီၤ.—၁ ယိၤဟၣ် ၂:၁၇.
ဟီၣ်ခိၣ်ဒီဘ့ၣ် ကကဲထီၣ်ပၤရဒံစူးလီၤ.—ယၡါယၤ ၃၅:၁, ၆.