လံာ်စီဆှံတဲဝဲဒ်လဲၣ်

တၢ်ဘူၣ်တၢ်ဘါန့ၣ် မ့ၢ်ပှၤဟီၣ်ခိၣ်ဖိဒုးအိၣ်ထီၣ်ဝဲဧါ

ပှၤတနီၤနီၤတဲဝဲလၢ ပှၤဟီၣ်ခိၣ်ဖိဒုးအိၣ်ထီၣ်ဝဲ တၢ်ဘူၣ်တၢ်ဘါန့ၣ်လီၤ. မ့မ့ၢ်ပှၤအဂၤတနီၤနီၤန့ၣ် ဆိကမိၣ်ဝဲလၢ ကစၢ်ယွၤသူတၢ်ဘူၣ်တၢ်ဘါဒ်သိး ပှၤဟီၣ်ခိၣ်ဖိကသုးဘူးအသးဆူ အအိၣ်အဂီၢ်လီၤ. မ့မ့ၢ်နၤန့ၣ် နဆိကမိၣ်ဒ်လဲၣ်.

လံာ်စီဆှံတဲဝဲဒ်လဲၣ်

လၢကစၢ်ယွၤ အမဲာ်ညါန့ၣ် “တၢ်ဘူၣ်ထီၣ်ဘါထီၣ်အစီအဆှံ, ဒီးတဘၣ်အၢဘၣ်သီဘၣ်တမံၤ” န့ၣ်အိၣ်ဝဲလီၤ. (ယၤကိာ် ၁:၂၇) တၢ်ဘူၣ်တၢ်ဘါလၢ အမ့ၢ်အတီ ဒီးအစီအဆှံန့ၣ် ယွၤဒုးအိၣ်ထီၣ်ဝဲလီၤ.

ပမၤလိအါထီၣ်တၢ်ဂ့ၢ်အဂၤ လၢလံာ်စီဆှံအပူၤကသ့ဒံးဧါ

• တၢ်ဘူၣ်တၢ်ဘါလၢ ယွၤဘၣ်သူၣ်ဘၣ်သးဝဲန့ၣ် အတၢ်သိၣ်လိသီလိတဖၣ် ကဘၣ်လီၤပလိာ်အသး ဒီးလံာ်စီဆှံလီၤ.—ယိၤဟၣ် ၄:၂၃, ၂၄.

• တၢ်ဘူၣ်တၢ်ဘါလၢ အဒိးသန့ၤထီၣ်အသးလၢ ပှၤဟီၣ်ခိၣ်ဖိအတၢ်ဆိကမိၣ်န့ၣ် အဘျုးတအိၣ်ဘၣ်.—မၢ်ကူး ၇:၇, ၈.

ပကဘၣ်အိၣ်ဒီး တၢ်ဘူၣ်တၢ်ဘါန့ၣ် မ့ၢ်တၢ်လၢအရ့ဒိၣ်ဧါ

နကစံးဆၢအီၤဒ်လဲၣ်

• အရ့ဒိၣ်

• အရ့တဒိၣ်ဘၣ်

• ဒိးသန့ၤထီၣ်အသးလၢ တၢ်အိၣ်သးအဖီခိၣ်

လံာ်စီဆှံတဲဝဲဒ်လဲၣ်

“မ်ပကွၢ်လိာ်ပသးတဂၤဒီးတဂၤ, ဒ်သိးပကသဆၣ်ထီၣ်လိာ်ပခံ ဆူတၢ်အဲၣ်တၢ်ကွံ, ဒီးတၢ်မၤဂ့ၤတၢ်န့ၣ်တက့ၢ်. ဟးဆှဲးပတၢ်အိၣ်ဖှိၣ်ရိဖှိၣ်, ဒ်ပှၤတနီၤနီၤ အလုၢ်အလၢ်အသိးန့ၣ်တဂ့ၤ” (ဧ့ၤဘြံၤ ၁၀:၂၄, ၂၅) ကစၢ်ယွၤ အဲၣ်ဒိးလၢ ပှၤလၢအဘူၣ်ထီၣ်ဘါထီၣ်အီၤတဖၣ် ကအိၣ်ဖှိၣ်ရိဖှိၣ်တပူၤဃီလီၤ.

ပမၤလိအါထီၣ်တၢ်ဂ့ၢ်အဂၤလၢ လံာ်စီဆှံအပူၤကသ့ဒံးဧါ

• ပှၤတဖၣ်လၢအဘူၣ်ထီၣ်ဘါထီၣ် ယွၤန့ၣ် ကဘၣ်အိၣ်ဒီး တၢ်နာ်တမံၤဃီလီၤ.—၁ ကရံၣ်သူး ၁:၁၀, ၁၁..

• တၢ်ဘူၣ်တၢ်ဘါလၢ ယွၤဘၣ်သူၣ်ဘၣ်သးဝဲ အတၢ်အိၣ်ဖှိၣ်ဖိတဖၣ်န့ၣ် အိၣ်လၢဟီၣ်ခိၣ်ဒီဘ့ၣ်လီၤ.—၁ ပ့းတရူး ၂:၁၇.