တၢ်ဂ့ၢ်အသီလၢ ပကစးထီၣ်ကတိၤတၢ်ဒီးပှၤဂၤအဂီၢ်

စးထီၣ်လၢ ၂၀၁၆ လါမၢ်ၡးန့ၣ် တၢးထီခိးတၢ် လံာ်ကဘျံးအလီၢ်ခံကတၢၢ်န့ၣ် အိၣ်ဒီးတၢ်ဂ့ၢ်လၢအခိၣ်တီမ့ၢ်ဝဲ “လံာ်စီဆှံ တဲဝဲဒ်လဲၣ်” န့ၣ်လီၤ. တၢ်ဂ့ၢ်အသီအံၤန့ၣ် ကမၤစၢၤပှၤဒ်သိးပစးထီၣ်တဲ လံာ်စီဆှံအဂ့ၢ်အကျိၤဒီး ပှၤဂၤကန့ၢ်အဂီၢ်လီၤ. တၢ်ဂ့ၢ်တဖၣ်အံၤန့ၣ် လီၤဂာ်ဒ် ပလံာ်ဖိတဖၣ်အသိးလီၤ. အဒိ ပကထံၣ်ဘၣ်တၢ်သံကွၢ်တခါ ဝံၤဒီးလံာ်စီဆှံအဆၢလၢ ကစံးဆၢက့ၤတၢ်သံကွၢ်အဂီၢ်လီၤ. တကးဒံးဘၣ် အိၣ်ဒီးတၢ်ဂ့ၢ်လၢ ပကတဲသကိးတၢ်အဂီၢ်လီၤ.

ဖဲပတဲသကိးလံာ်စီဆှံအဂ့ၢ်အကျိၤဒီး ပှၤဂၤအဆၢကတီၢ် ပစးထီၣ်တၢ်မၤလိလံာ်စီဆှံသ့လီၤ. သူတၢ်ဂ့ၢ်အသီအံၤ ဒ်သိးနကမၤစၢၤ ပှၤလၢအသၣ်ဝံၤ နီၢ်သးတၢ်အီၣ်တဖၣ်တက့ၢ်.—မး. ၅:၆.

ပကသူအီၤဒ်လဲၣ်–

1. ၁ သံကွၢ် ဟံၣ်ကစၢ်တၢ်သံကွၢ်လၢ ဘၣ်တၢ်ပာ်ဖျါထီၣ်အီၤတခါခါ

2. ၂ ဒိကနၣ် ဟံၣ်ကစၢ်အတၢ်စံးဆၢ လီၤတံၢ်လီၤဆဲး

3. ၃ ဖး ပၠးဟံၣ်ကစၢ် လံာ်စီဆှံအဆၢလၢ အိၣ်လၢ ‘‘လံာ်စီဆှံ တဲဝဲဒ်လဲၣ်” အဖီလာ် ဒီးသံကွၢ်အီၤ ဘၣ်ဃးဒီးလံာ်စီဆှံအဆၢအံၤန့ၣ် မ့ၢ်အဝဲဆိကမိၣ်ဝဲဒ်လဲၣ်န့ၣ်တက့ၢ်. ဟံၣ်ကစၢ်အတၢ်ဆၢကတီၢ်မ့ၢ်အိၣ်န့ၣ် ဆဲးတဲသကိး တၢ်ဂ့ၢ်လၢ ‘‘ပမၤလိအါထီၣ်တၢ်ဂ့ၢ်အဂၤ လၢလံာ်စီဆှံအပူၤကသ့ဒံးဧါ” အဖီလာ်န့ၣ်တက့ၢ်.

4. ၄ ဟ့ၣ်လီၤ မဲးကစံ

5. ၅ ရဲၣ်လီၤကျဲၤလီၤလၢ နကက့ၤအိၣ်သကိး ဟံၣ်ကစၢ်လၢခံတဘျီ လၢကတဲသကိးတၢ်သံကွၢ် ခံခါတခါအဂီၢ်