တၢ်စံၣ်တဲၤတဲလီၤတၢ်ဖဲ မိၤရိဘံယါ, ကီၢ်လဲးဘံရံယါ

တၢ်ဟ့ၣ်ကူၣ်လၢ ပကတဲသကိးတၢ်ဒီးပှၤဂၤအဂီၢ်

●○○ တၢ်ထံၣ်လိာ်သးဒီး ဟံၣ်ကစၢ် အဆိကတၢၢ်တဘျီ

တၢ်သံကွၢ်– မုၢ်မဆါတနံၤအံၤ လံာ်စီဆှံန့ၣ် အဘျုးအိၣ်ဒံးဧါ.

လံာ်စီဆှံအဆၢ–၂ တံၤ. ၃:၁၆

တၢ်သံကွၢ်လၢခံတဘျီအဂီၢ်– လံာ်စီဆှံအံၤ အတၢ်ကစီၣ် မ့ၢ်မနုၤလဲၣ်.

○●○ တၢ်က့ၤအိၣ်သကိး ဟံၣ်ကစၢ် အဆိကတၢၢ်တဘျီ

တၢ်သံကွၢ်– လံာ်စီဆှံအံၤ အတၢ်ကစီၣ် မ့ၢ်မနုၤလဲၣ်.

လံာ်စီဆှံအဆၢ– မး. ၆:၁၀

တၢ်သံကွၢ်လၢခံတဘျီအဂီၢ်– ယွၤအဘီအမုၢ် ကမၤဝဲတၢ်မနုၤလဲၣ်.

○○● တၢ်က့ၤအိၣ်သကိး ဟံၣ်ကစၢ် ခံဘျီတဘျီ

တၢ်သံကွၢ်– ယွၤအဘီအမုၢ် ကမၤဝဲတၢ်မနုၤလဲၣ်.

လံာ်စီဆှံအဆၢ– ဒၤ. ၂:၄၄

တၢ်သံကွၢ်လၢခံတဘျီအဂီၢ်– ဘီမုၢ်အံၤ အဘျုးကအိၣ်လၢ ဟီၣ်ခိၣ်အဂီၢ်ဒ်လဲၣ်.

စးထီၣ်လၢတလါအံၤန့ၣ် တၢ်အဒိလၢ တၢ်နီၤလီၤလံာ်လဲၢ်အဂီၢ် တအိၣ်လၢၤဘၣ်. လၢတၢ်န့ၣ်အလီၢ် ကၠိဖိလံာ်တၢ်မၤလိ အံၤအပူၤ ကအိၣ်ဒီး တၢ်ဟ့ၣ်ကူၣ်လၢ ပကတဲသကိးတၢ်ဒီးပှၤဂၤအဂီၢ် လၢပၣ်ဃုာ်ဒီး တၢ်သံကွၢ်, လံာ်စီဆှံအဆၢ ဒီးတၢ်သံကွၢ်လၢခံတဘျီအဂီၢ် ဒ်သိးပက့ၤအိၣ်သကိး ဟံၣ်ကစၢ်ကသ့ဂ့ၤဂ့ၤအဂီၢ်န့ၣ်လီၤ. တၢ်ဂီၤမူ ဘၣ်ဃးဒီး တၢ်ဟ့ၣ်ကူၣ်လၢ ပကတဲသကိးတၢ်ဒီးပှၤဂၤအဂီၢ် န့ၣ်ပကကွၢ်ဘၣ် တနွံတဘျီလီၤ. ဖဲတၢ်ထံၣ်လိာ်သးဒီး ဟံၣ်ကစၢ်အဆိကတၢၢ်အခါမ့ၢ်ဂ့ၤ, တၢ်က့ၤအိၣ်သကိး ဟံၣ်ကစၢ်အခါမ့ၢ်ဂ့ၤ ပှၤစံၣ်တဲၤတဲလီၤတၢ်ဖိ တဂၤစုာ်စုာ် ကသူဝဲ ပလံာ်လဲၢ်ဖဲလဲၣ်တဘ့ၣ်လဲၣ် ဒီးကဘၣ်နီၤလီၤဝဲ အခါဖဲလဲၣ်န့ၣ် ဃုထၢဝဲသ့လီၤ. ပမ့ၢ်မၤဒ်န့ၣ်န့ၣ် ကကဲထီၣ်တၢ်မၤစၢၤလၢ ပကသးစၢၢ်ဆၢ ပဖီတၢၣ်လၢ ပကသိၣ်လိ “ပှၤလၢတၢ်ပာ်အီၤလၢ အကန့ၢ်ဘၣ် တၢ်မူလီၤထူလီၤယိာ်” အဂီၢ်န့ၣ်လီၤ.—မၤတၢ်. ၁၃:၄၈.

ကၠိဖိအမူဒါတဖၣ်– တၢ်ဟံးစုနဲၣ်ကျဲလၢအဂၤ မ့ၢ်တအိၣ်ဘၣ်န့ၣ် ကၠိဖိတဖၣ် ကြၢးသူဝဲ တၢ်ဟ့ၣ်ကူၣ်လၢ ပကတဲသကိးတၢ်ဒီးပှၤဂၤအဂီၢ်လီၤ.