ပကသူ တၢ်ဟ့ၣ်ကူၣ်လၢ ပကတဲသကိးတၢ်ဒီးပှၤဂၤအဂီၢ်ဒ်လဲၣ်

တၢ်ဟ့ၣ်ကူၣ်လၢ ပကတဲသကိးတၢ်ဒီးပှၤဂၤအဂီၢ်န့ၣ်​ ပဒီပုၢ်ဝဲၢ်တဖၣ်​ ကတဲာ်ကတီၤန့ၢ်ပှၤဂ့ၤဂ့ၤ. ဒီးပှၤစံၣ်တဲၤတဲလီၤတၢ်ဖိအါဂၤ ထံၣ်ဘၣ်ဝဲလၢ တၢ်ဟ့ၣ်ကူၣ်အံၤ ကဲဘျုးလၢအဝဲသ့ၣ်​ အလီၢ်ကဝီၤအဂီၢ်. ဘၣ်ဆၣ်​ လၢဟီၣ်ခိၣ်ဒီဘ့ၣ်န့ၣ်​ တၢ်လီၢ်တတီၤဒီးတတီၤ တၢ်အိၣ်သးတဒ်သိးဘၣ်အဃိ ပှၤစံၣ်တဲၤတဲလီၤတၢ်ဖိတဖၣ်​ စးထီၣ်တဲတၢ်ဒီးဟံၣ်ကစၢ် လၢကျဲအဂၤ မ့တမ့ၢ် တဲသကိးတၢ်ဂ့ၢ် အဂၤလၢ အကထုးန့ၢ် ပှၤလၢအလီၢ်ကဝီၤအပူၤတဖၣ်အသးသ့လီၤ. ပကြၢးမၤထွဲ တၢ်ဟံးစုနဲၣ်ကျဲ တမံၤဂ့ၤတမံၤဂ့ၤလၢ ခဲၣ်ဖ့လီၤဆီအဂီၢ်လီၤ. ဒီးပဖီတၢၣ်န့ၣ်​ မ့ၢ်ဝဲ ပကမၤလၢပှဲၤ မူဒါလၢ ယ့ၣ်ၡူးဟ့ၣ်လီၤပှၤ လၢအမ့ၢ် ပကဘၣ်စံၣ်တဲၤတဲလီၤ ဘီမုၢ်အတၢ်သးခုကစီၣ်လီၤ.​—⁠မးသဲ ၂၄:⁠၁၄.

ပှၤစံၣ်တဲၤတဲလီၤတၢ်ဖိ မ့ၢ်လီၤဘၣ်ကၠိဖိမူဒါန့ၣ်​ ကြၢးတဲသကိးဝဲ တၢ်ဂ့ၢ်လၢ တၢ်ဟ့ၣ်ကူၣ်လၢ ပကတဲသကိးတၢ်ဒီးပှၤဂၤအဂီၢ် လၢအအိၣ်လၢ ခရံာ်ဖိအတၢ်အိၣ်မူဒီး တၢ်စံၣ်တဲၤတဲလီၤတၢ်ကၠိ အလံာ်ပူၤလီၤ. ဘၣ်ဆၣ်​ တၢ်ဟံးစုနဲၣ်ကျဲ လီၤတံၢ်လီၤဆဲး မ့ၢ်တအိၣ်ဘၣ်န့ၣ်​ အဝဲသ့ၣ်​ တဲသကိး တၢ်သံကွၢ်, လံာ်စီဆှံအဆၢ, တၢ်သံကွၢ်လၢခံတဘျီအဂီၢ် မ့တမ့ၢ် တၢ်ဂ့ၢ်တၢ်ကျိၤလၢအဂၤ လၢကကဲဘျုးလၢ ပှၤလၢအလီၢ်ကဝီၤပူၤတဖၣ်​ အဂီၢ်သ့. ပဆီတလဲ တၢ်ဟံးစုနဲၣ်ကျဲလၢ အအိၣ်ဖဲ လါယူၤ ၂၀၂၀ ကၠိဖိလံာ်တၢ်မၤလိ လံာ်ကဘျံးပၤ ၈ အပူၤလီၤ.