တၢ်မၤဂ့ၤထီၣ် ပတၢ်သ့တၢ်ဘၣ်လၢ တၢ်သးခုကစီၣ်တၢ်မၤအပူၤ စံၣ်တဲၤတဲလီၤ ပှၤကိးဂၤဒဲး လၢနဟီၣ်ကဝီၤအပူၤ

ဘၣ်မနုၤအဃိ အရ့ဒိၣ်လဲၣ်– ဝံစကၤရယၤ တဲဆိပာ်စၢၤဝဲလၢ ပှၤကလုာ်တဖၣ်​ ကတူၢ်လိာ်ဝဲ တၢ်သးခုကစီၣ်လီၤ. (ကၤ. ၈:၂၃) ဘၣ်ဆၣ်​ မတၤကသိၣ်လိ အဝဲသ့ၣ်လဲၣ်. (ရိ. ၁၀:၁၃-၁၅) ပအိၣ်ဒီး တၢ်ခွဲးတၢ်ယာ်ဒီး မူဒါလၢအလီၤဆီ လၢပကစံၣ်တဲၤတဲလီၤဘၣ်​ တၢ်သးခုကစီၣ်လၢ ပှၤကိးဂၤဒဲးလၢ ပဟီၣ်ကဝီၤအပူၤလီၤ.—od 84 ¶10-11.

ပမၤကသ့ဒ်လဲၣ်–

• ကတဲာ်ကတီၤပာ်စၢၤ. ဖဲနထံၣ်လိာ်နသးဒီး ပှၤလၢအကတိၤကျိာ်အဂၤအခါ နသူ JW Language app ဒ်သိးနကမၤလိ တၢ်ဒုးနဲၣ်တၢ်အဒိလၢ နကစံၣ်တဲၤတဲလီၤတၢ်အဂီၢ် သ့ဝဲလီၤ. မ့တမ့ၢ် နသူလီတဲစိဒီး နပၠးပှၤဂၤ ဒ်သိးအဝဲသ့ၣ်​ ကဃုကွၢ်တၢ်ဂ့ၢ်လၢ အနီၢ်ကစၢ်အကျိာ်လၢ jw.org အပူၤသ့ဝဲလီၤ

• ပာ်သူၣ်ပာ်သး တၢ်လၢနခိၣ်နဃၢၤ. ဖဲနလဲၤ တဟံၣ်ဘၣ်တဟံၣ်အခါ ပှၤလၢဟဲဖၠးလၢ နကပၤတဖၣ်​ မ့တမ့ၢ် ပှၤလၢအအိၣ်ခိးတၢ်လၢကါအပူၤန့ၣ်​ တဲဘၣ်အဝဲသ့ၣ်တၢ်သးခုကစီၣ်တက့ၢ်. ဒီးဖဲနမၤ တၢ်စံၣ်တဲၤတဲလီၤတၢ်လၢ ကမျၢၢ်အမဲာ်ညါအခါ သးစၢၢ်ဆၢကမျၢၢ်တဖၣ်​ ဒ်သိးနကစံၣ်တဲၤတဲလီၤဘၣ်​ အဝဲသ့ၣ်န့ၣ်တက့ၢ်

• ဂုာ်ကျဲးစၢးတက့ၢ်. ဖဲနလဲၤလၢအဆိကတၢၢ်တဘျီအခါ ဟံၣ်ကစၢ်မ့ၢ်တအိၣ်ဘၣ်န့ၣ်​ ဆဲးဂုာ်ကျဲးစၢး တုၤနထံၣ်လိာ်သးဒီး ဟံၣ်ကစၢ်န့ၣ်တက့ၢ်. ဒ်သိးနကထံၣ်လိာ်သးဒီး ဟံၣ်ကစၢ်အဂီၢ် ဆီတလဲတၢ်ဆၢကတီၢ် မ့တမ့ၢ် မုၢ်နံၤမုၢ်သီလၢ နကလဲၤလၢအအိၣ်န့ၣ်တက့ၢ်. ဟံၣ်ကစၢ်တနီၤနီၤန့ၣ်​ နဆဲးကျိးအီၤကသ့ခီဖျိလၢ လံာ်, လီတဲစိ မ့တမ့ၢ် နဟးစံၣ်တဲၤတဲလီၤတၢ်လၢ ကျဲဖီခိၣ်အခါလီၤ

• တၢ်က့ၤကဒါက့ၤ. က့ၤကဒါက့ၤဆူ ပှၤလၢအပာ်ဖျါထီၣ်​ တၢ်သူၣ်အိၣ်သးအိၣ်တဖၣ်အအိၣ်​ လၢအဆိအချ့တက့ၢ်. အဝဲမ့ၢ်ကတိၤကျိာ်လၢအဂၤန့ၣ်​ ဃုပှၤတဂၤလၢ ကတိၤဟံၣ်ကစၢ်အကျိာ်သ့ ဒ်သိးနကမၤစၢၤအီၤလၢ အနီၢ်ကစၢ်အကျိာ်အဂီၢ်တက့ၢ်. နကြၢးလဲၤလၢ ဟံၣ်ကစၢ်အအိၣ်​ တုၤလၢအထံၣ်လိာ်အသးဒီး ပှၤစံၣ်တဲၤတဲလီၤတၢ်ဖိလၢ အတဲဟံၣ်ကစၢ်အကျိာ်သ့န့ၣ်လီၤ.—od 94 ¶39-40

ကွၢ်တၢ်ဂီၤမူလၢအမ့ၢ် စံၣ်တဲၤတဲလီၤတၢ် “ပၢၢ်လၢဟီၣ်ခိၣ်အကတၢၢ်” တက့ၢ်. ဒီးစံးဆၢ တၢ်သံကွၢ်လၢလာ်အံၤတက့ၢ်–

• 

  ဒ်သိးပဒီပုၢ်ဝဲၢ်တဖၣ်​ ကစံၣ်တဲၤတဲလီၤ ပှၤလၢအအိၣ်လၢ ဟီၣ်ကဝီၤ လၢအယံၤတဖၣ်အဂီၢ် အဝဲသ့ၣ်မၤဒ်လဲၣ်. (၁ ကရံၣ်. ၉:၂၂, ၂၃)

• 

  အဝဲသ့ၣ်ထံၣ်ဘၣ်​ တၢ်ကီတၢ်ခဲမနုၤတဖၣ်လဲၣ်.

• 

  အဝဲသ့ၣ်​ ဒိးန့ၢ်ဘၣ်ဝဲ တၢ်ဆိၣ်ဂ့ၤမနုၤတဖၣ်လဲၣ်.

• ဒ်သိးနကစံၣ်တဲၤတဲလီၤဘၣ်​ ပှၤလၢနဟီၣ်ကဝီၤပူၤ အါအါအဂီၢ် နဂုာ်ကျဲးစၢးမၤ တၢ်မနုၤသ့လဲၣ်.